استانا: 
2016 
0
2018 جىلعى 7 ماۋسىمدا قازاقستان رەسپۋبليكاسى ۇلتتىق بانكىنىڭ ٴتوراعاسى دانيار اقىشەۆ پەن رەسەي فەدەراسياسى ورتالىق بانكىنىڭ ٴتوراعاسى ەلۆيرا نابيۋللينا قارجى نارىعىن قاداعالاۋ سالاسىنداعى ىنتىماقتاستىق پەن اقپارات الماسۋ تۋرالى شارتقا، سونداي-اق اقپاراتتىق قاۋىپسىزدىكتى قامتاماسىز ەتۋ سالاسىنداعى ٴوزارا ٴىس-قيمىل تۋرالى كەلىسىمگە قول قويدى، دەپ حابارلايدى baq.kz اقپارات اگەنتتىگى.
قارجى نارىعىن قاداعالاۋ سالاسىنداعى ىنتىماقتاستىق پەن اقپارات الماسۋ تۋرالى شارت رەتتەۋشىلەردىڭ باقىلاۋ جانە قاداعالاۋ فۋنكسيالارىن ىسكە اسىرۋ شەڭبەرىندە قازاقستان رەسپۋبليكاسى مەن رەسەي فەدەراسياسىنىڭ قارجى نارىقتارىنىڭ سەنىمدىلىگى مەن تۇراقتىلىعىن نىعايتۋعا، سونداي-اق قارجى ۇيىمدارىنىڭ باعالى قاعازدار، ساقتاندىرۋ، بانك قىزمەتتەرى نارىعىندا جانە ميكروقارجىلاندىرۋ سالاسىندا ساپالى قىزمەتتەر كورسەتۋى ٴۇشىن جاعدايلار جاساۋعا باعىتتالعان. شارت قارجى نارىقتارىنىڭ ترانسپارەنتتىلىگىن، سىيىمدىلىعىن جانە وتىمدىلىگىن ارتتىرۋعا، سونىڭ ناتيجەسىندە ولاردىڭ تيىمدىلىگىن ارتتىرۋ ٴۇشىن جاعدايلار جاساۋعا مۇمكىندىك تۋعىزادى.
اقپاراتتىق قاۋىپسىزدىكتى قامتاماسىز ەتۋ سالاسىنداعى ٴوزارا ٴىس-قيمىل تۋرالى كەلىسىم قازاقستان رەسپۋبليكاسىنىڭ ۇلتتىق بانكى مەن رەسەي فەدەراسياسىنىڭ ورتالىق بانكىنىڭ قارجى سالاسىنداعى اقپاراتتىق قاۋىپسىزدىك پەن كيبەرقىلمىستارعا قارسى ٴىس-قيمىل جاساۋ ماسەلەلەرى بويىنشا ىنتىماقتاستىقتى ورناتۋعا باعىتتالعان. وسى كەلىسىمدى ىسكە اسىرۋ قارجى رەتتەۋشىلەرىنە زاماناۋي كيبەرقاۋىپتەرگە قارسى ٴىس-قيمىل جاساۋ سالاسىندا تۇراقتى بايلانىستار ورناتۋ، اقپاراتتى جيناۋ، وڭدەۋ جانە الماسۋ ارقىلى ٴتيىمدى ٴوزارا ىس-ارەكەتتى ۇيىمداستىرۋعا مۇمكىندىك بەرەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6499
0