BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك كوللەكسيالىق مونەتالاردى اينالىمعا شىعاردى

استانا، baq.kz. قازاقستان رەسپۋبليكاسىنىڭ ۇلتتىق بانكى 2018 جىلعى 28 قاراشاسىنان باستاپ نومينالى 5 000 جانە 500 تەڭگەلىك كۇمىستەن، نومينالى 200 جانە 100 تەڭگەلىك مەلحيور قوسپاسىنان «كوشپەندىلەردىڭ عيبادات جانۋارلارى – توتەمدەرى» مونەتالار سەرياسىنان «كوكبورى» كوللەكسيالىق مونەتالارىن اينالىمعا شىعارادى.

كوكبورى (كوك قاسقىرى) – ەجەلگى تۇرىكتەردىڭ نانىمىندا باستى توتەمدىك جانۋارلاردىڭ ٴبىرى. رۋح-بابا، رۋح-قورعاۋشى، بۇكىل الەمدى باسقاراتىن ٴتاڭىر. كوشپەندى حالىقتىڭ نانىم-سەنىمىندە قاسقىر كوك اسپانمەن بايلانىستى بارىنشا ماڭىزدى نىشانداردىڭ ٴبىرى بولىپ ەسەپتەلدى.

نومينالى 5 000 جانە 500 تەڭگەلىك «كوكبورى» مونەتالارىنىڭ سيپاتتاماسى:

مونەتالار التىنداتۋ تەحنولوگياسىن قولدانا وتىرىپ كۇمىستەن جاسالعان جانە گاۋھار قوندىرماسى بار.

مونەتالاردىڭ بەت جانە سىرت جاقتارىنداعى بەينەلەرى بىردەي. مونەتالاردىڭ بەت جاعىندا (اۆەرسىندە) ۇلتتىق ويۋ-ورنەكتىڭ قورشاۋىندا سوعىلعان جىلى، نومينالى، قازاقستان تەڭگە سارايىنىڭ تاۋار بەلگىسى جانە مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن جازبا ورنالاسقان. مونەتانى اينالدىرا «قازاقستان رەسپۋبليكاسى • republic of kazakhstan» دەگەن جازبا بار.

مونەتالاردىڭ سىرت جاعىندا (رەۆەرسىندە) گاۋھار قوندىرماسى بار قاسقىردىڭ باسىنىڭ ناتۋراليستىك جانە ترافارەتتىك بەينەسى بار كومپوزيسيا جانە «كوكبورى» دەگەن جازبا ورنالاسقان. مونەتانى اينالدىرا ساقتاردىڭ جانۋارلار ستيلىندە دايىندالعان قاسقىردىڭ سۇلباسى بار جالپاق جيەك بەينەلەنگەن.

نومينالى 200 جانە 100 تەڭگەلىك «كوكبورى» مونەتالارىنىڭ سيپاتتاماسى:

مونەتالار مەلحيور قوسپاسىنان دايىندالعان. نومينالى 200 تەڭگەلىك مونەتادا التىنداتۋ تەحنولوگياسى قولدانىلعان.

مونەتالاردىڭ بەت جاعىندا (اۆەرسىندە) ۇلتتىق ويۋ-ورنەكتىڭ قورشاۋىندا سوعىلعان جىلى، نومينالى، قازاقستان تەڭگە سارايىنىڭ تاۋار بەلگىسى ورنالاسقان. مونەتانى اينالدىرا «قازاقستان رەسپۋبليكاسى • republic of kazakhstan» دەگەن جازبا بار.

مونەتالاردىڭ سىرت جاعىندا (رەۆەرسىندە) قاسقىردىڭ باسىنىڭ ناتۋراليستىك جانە ترافارەتتىك بەينەسى بار كومپوزيسيا جانە «كوكبورى» دەگەن جازبا ورنالاسقان. مونەتانى اينالدىرا ساقتاردىڭ جانۋارلار ستيلىندە ورىندالعان قاسقىردىڭ سۇلباسى بار جالپاق جيەك بەينەلەنگەن.

نومينالى 5 000 تەڭگەلىك مونەتالار 925 سىنامدى كۇمىستەن جاسالعان، ماسساسى – 25 oz (777،5 گر.)، ديامەترى – 100 مم، ديامەترى 2 مم بولاتىن ٴبىر گاۋھارتاس ورناتىلعان، دايىنداۋ ساپاسى – «proof»، تارالىمى – 200 دانا;

نومينالى 500 تەڭگەلىك مونەتالار 925 سىنامدى كۇمىستەن جاسالعان، ماسساسى – 31،1 گر.، ديامەترى – 38،61 مم، ديامەترى 1 مم بولاتىن ٴبىر گاۋھارتاس ورناتىلعان، دايىنداۋ ساپاسى – «proof»، تارالىمى – 3 000 دانا;

نومينالى 200 تەڭگەلىك مونەتالار مەلحيور قوسپاسىنان جاسالعان، ماسساسى – 15 گر.، ديامەترى – 33 مم، دايىنداۋ ساپاسى – «رrووf-like»، تارالىمى – 3 000 دانا;

نومينالى 100 تەڭگەلىك مونەتالار مەلحيور قوسپاسىنان جاسالعان، ماسساسى – 11،17 گر.، ديامەترى – 31 مم، دايىنداۋ ساپاسى – «brilliant uncirculated»، تارالىمى – 30 000 دانا.

نومينالى 5 000، 500، 200 جانە 100 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

كوللەكسيالىق مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

مونەتالار كوللەكسيالىق قۇنى بويىنشا ساتۋعا ارنالعان.

كۇمىس مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

«proof-like» دايىنداۋ ساپاسى بار مەلحيور قوسپاسىنان دايىندالعان مونەتالار كادەسىيلىق وراۋمەن شىعارىلادى.

«brilliant uncirculated» دايىنداۋ ساپاسى بار مەلحيور قوسپاسىنان دايىندالعان مونەتالار ارنايى پوليگرافيالىق وراۋمەن شىعارىلادى.

كوللەكسيالىق مونەتالاردى قازاقستان رەسپۋبليكاسى ۇلتتىق بانكىنىڭ بارلىق اۋماقتىق فيليالدارىندا، سونداي-اق www.nationalbank.kz سايتىنداعى ينتەرنەت - دۇكەن ارقىلى ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي