ۇلتتىق بانك قازاقستاننىڭ قارجىلىق جاعدايى نە سەبەپتى ناشارلاعانىن ايتتى - قارجى|22 مامىر 2018، 20:38
كۋرسى ۆاليۋت وبنوۆليايۋتسيا
استانا:

ۇلتتىق بانك قازاقستاننىڭ قارجىلىق جاعدايى نە سەبەپتى ناشارلاعانىن ايتتى

قازاقستان ۇلتتىق بانكى قارجىلىق تۇراقتىلىق جونىندەگى 2015-2017 جىلدارداعى ەسەپتى ۇسىندى. رەتتەۋشى قازاقستاننىڭ قارجىلىق جاعدايى نە سەبەپتى ناشارلاعانىن ايتتى، دەپ حابارلايدى baq.kz اقپارات اگەنتتىگى.

ەسەپتە وتكەن ٴۇش جىلدا ورىن العان تاۋەكەلدەر تالداندى جانە بۇگىنگى كۇنى جۇيە ٴۇشىن بارىنشا ماڭىزدى تاۋەكەلدەر انىقتالدى.

«بۇل ەسەپتە قارجىلىق تۇراقتىلىققا ارنالعان كەيبىر تاسىلدەرىمىزدى قايتا قارايمىز. ول ماكروەكونوميكالىق ساياساتقا، سول سياقتى قارجىلىق رەتتەۋ ساياساتىنا دا تەڭ كولەمدە جاتادى»، - دەدى د. اقىشەۆ.

ول قازاقستان ۇلتتىق بانكى ەكونوميكالىق ساياساتتا، قارجىلىق دامۋدا، قاداعالاۋ مەن رەتتەۋ تەتىكتەرىندە ٴوزىنىڭ ٴرولىن جۇيەلى تۇردە قايتا قاراۋ قاجەتتىلىگى تۋىنداعان جالعىز ورتالىق بانك ەمەس دەپ اتاپ ٴوتتى. جاھاندىق قارجىلىق داعدارىستان كەيىن ورتالىق بانكتەردە عانا ەمەس، قارجىلىق قىزمەتتىڭ بىرنەشە سالالارىندا پاراديگما بىرتىندەپ اۋىستى.

«جاھاندىق داعدارىستان كەيىنگى سەگىز جىلدان كەيىن قارجىلىق ەسەپتىلىك ستاندارتتارى جونىندەگى حالىقارالىق ۇيىمدار قارجى قۇرالدارىن باعالاۋ تاسىلدەرىن وزگەرتتى. كۇتىلەتىن شىعىنداردى باعالاۋدىڭ رەتتەۋىش ادىستەرى قارجىلىق ەسەپتىلىك ستاندارتتارىنا جاقىن كەلدى. تاۋەلسىز اۋديتورلار ينستيتۋتىنىڭ وليگوپوليزاسياسىمەن بايلانىستى تاۋەكەلدەر بارىنشا كورىنىپ تۇر، ٴبىراق تيەسىلى ٴتيىمدى شەشىم ٴالى دە تابىلمادى»، - دەدى د. اقىشەۆ.

ونىڭ ايتۋىنشا، كۇن تارتىبىمەن قوسا قارجىلىق تۇراقتىلىق تۋرالى ەسەپ بويىنشا وزىق پراكتيكا دا وزگەردى. ولار ەل ەرەكشەلىگىنە، تاۋەكەلدەر ەرەكشەلىگىنە اسا نازار اۋدارا باستادى، ەسەپتەر بارىنشا جيناقى بولدى. باسقا ەلدەردە ەسەپتەردىڭ دامۋى ولاردى ٴجيى جاريا ەتۋ جانە قارجىلىق تۇراقتىلىق بويىنشا قوسىمشا جاريالانىمداردى جاساۋ جولى بويىنشا ٴجۇردى.

«رەتتەۋشىنىڭ ٴتيىمدى ارەكەتتەرى قارجى جۇيەسىنىڭ پروبلەمالارىن تولىق ٴتۇسىنۋ كەزىندە عانا مۇمكىن. قازاقستاندا بۇل مىندەت كرەديتتىك تاۋەكەلدەردى جانە بانك اكتيۆتەرىنىڭ ساپاسىن باعالاۋدىڭ قالىپتى ادىستەرى اقپاراتتىق جانە پايدالى بولماعاندىعىمەن كۇردەلى بولدى. مۇنداي جاعدايدا تالداۋدا تاۋەكەلدەر ورىن العان جەرلەردە رەتتەلەتىن قارجى ۇيىمدارىن عانا ەمەس، ەسەپتىلىك پەن رەتتەۋ جۇيەسىن قوسا العاندا، قارجى جۇيەسىنىڭ باسقا دا بولىكتەرىن قامتۋ ورىندى بولادى. ٴبىز پرۋدەنسيالىق قۇرالداردى عانا ەمەس، بانكتىڭ جاي-كۇيى تۋرالى ەسەپتىلىكتى جاساۋ قاعيداتتارىن دا قايتا قارادىق»، - دەپ تۇيىندەدى د. اقىشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي