BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك دوللار باعامىنا قاتىستى جاڭا ەرەجەلەردى ەنگىزۋدە

قازاقستاننىڭ ۇلتتىق بانكى دوللار باعامىن بەكىتۋ جانە ونى قازاقستان قور بيرجاسىندا ساۋدالاۋ ەرەجەسىنە وزگەرتۋلەر ەنگىزۋ تۋرالى شەشىم قابىلدادى، دەپ حابارلايدى baq.kz اقپارات اگەنتتىگى.

2018 جىلعى 10 قىركۇيەكتەن باستاپ تەڭگەنىڭ اقش دوللارىنا قاتىستى رەسمي باعامى «قازاقستان قور بيرجاسى» اق-تاعى ت+1 ەسەپ ايىرىسۋ مەرزىمدەرىمەن نەگىزگى جانە قوسىمشا سەسسيالاردىڭ قورىتىندىسى بويىنشا ورتاشا الىنعان بيرجالىق باعام نەگىزىندە بەلگىلەنەتىن بولادى. تەڭگەنىڭ دوللارعا قاتىستى رەسمي باعامىن بەلگىلەۋ قاعيدالارى وزگەرمەيدى، تەك الاڭ «usdkzt_tod» (مامىلە جاسالعان كۇنگى ەسەپ ايىرىسۋ) سەكتورىنان «usdkzt_tom» (مامىلە جاسالعان كەيىن كەلەسى كۇنگە ارنالعان ەسەپ ايىرىسۋ) سەكتورىنا وزگەرەدى.

ۇلتتىق بانكتىڭ «قازاقستان قور بيرجاسى» اق-تاعى ۆاليۋتالىق وپەراسيالارى دا ت+1 جۇيەسى بويىنشا ەسەپ ايىرىسۋلارمەن «usdkzt_tom» سەكتورىندا جۇرگىزىلەتىن بولادى.

قارجى رەتتەۋشى حابارلاعانداي، ەسەپ ايىرىسۋدى قازىرگى ت+0-دەن ت+1-گە دەيىن وزگەرتۋ الەمدىك قارجى نارىقتارىمەن ىقپالداسۋدى تەرەڭدەتۋگە، شەتەلدىك پورتفەلدىك ينۆەستيسيالاردى تارتۋ ەسەبىنەن وتىمدىلىكتى ۇلعايتۋعا ىقپال ەتەدى، بۇل قازاقستاننىڭ مەملەكەتتىك قاعازدار نارىعىنا clearstream جۇيەسى ارقىلى قول جەتكىزۋدى قامتاماسىز ەتۋ جونىندەگى جوبانى ىسكە قوسۋعا بايلانىستى ەرەكشە وزەكتى بولادى.

«ت+1-گە ٴوتۋ ەكىنشى دەڭگەيدەگى بانكتەردەگى وتىمدىلىكتى بولجاۋ جۇيەسىن جەتىلدىرۋدى ىنتالاندىرادى، بۇل ۆاليۋتا نارىعىنداعى دا، اقشا نارىعىنداعى دا قۇبىلمالىلىقتى بولدىرماۋعا مۇمكىندىك بەرەدى»، - دەپ تۇسىندىرىلگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي