BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك دامۋشى ەلدەر ۆاليۋتاسىنىڭ نارىقتىق باعامىن ۇسىندى

استانا، baq.kz. ۇلتتىق بانك 2018 جىلعى 19 قازاننان 26 قازان ارالىعىنداعى جەكەلەگەن دامۋشى ەلدەردىڭ ۆاليۋتالارى بويىنشا شولۋ جاسادى. بۇل تۋرالى ۆەدومستۆونىڭ ٴباسپاسوز قىزمەتى حابارلادى.

2018 جىلعى 26 قازانداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اقش دوللارى ٴۇشىن ٴبىر اپتا ىشىندە 0،6%-عا نىعايىپ (366،43 -تەن)، 368،54 تەڭگە دەڭگەيىندە قالىپتاستى.

سىرتقى ۆاليۋتالىق نارىق تۇرعىسىنان 2018 جىلعى 19 قازاننان 26 قازان ارالىعىندا ماڭىزدى وقيعالار اقش-تىڭ ەكونوميكالىق شولۋىن («اقشىل سارى كىتاپ») جاريالاۋ، ەوب-نىڭ اعىمداعى مونەتارلىق ساياساتتى ساقتاۋ تۋرالى شەشىمى، فرج-مەن ەوب وكىلدەرىنىڭ ەكونوميكالىق ٴوسۋ جانە مونەتارلىق ساياساتقا قاتىستى تۇسىنىكتەمەلەرى، كەيبىر كومپانيالاردىڭ قاناعاتتانارلىقسىز توقساندىق ەسەپتىلىكتەرى جانە وبليگاسيالار كىرىستىلىگىنىڭ جوعارى مولشەرلەمەلەرىمەن بايلانىستى قور نارىقتارى يندەكستەرىنىڭ تومەندەۋى، ٴىجو-نىڭ ٴوسۋى بويىنشا ەكونوميكالىق دەرەكتەردى جانە اقش-تا ۇزاق قولدانىستاعى تاۋارلارعا تاپسىرىستاردى جاريالاۋ بولدى. اتالعان فاكتورلار الەمدىك نارىقتاردا اقش دوللارى باعامىنىڭ دامىعان ەلدەردىڭ ۆاليۋتالارىمەن سالىستىرعاندا نىعايۋىنا اكەلدى.

دامۋشى ەلدەردىڭ ۆاليۋتا باعامدارىنى اقش دوللارىنا قاراعاندا سەرپىنى مىناداي تۇردە قالىپتاستى:

  • وڭتۇستىك افريكا رەندى وار قارجى ٴمينيسترى تيتو ٴمبوۋنيدىڭ مەملەكەتتىك بورىشتىڭ الدىڭعى بولجامعا قاراعاندا نەعۇرلىم تەز ٴوسۋى، سونداي-اق مەملەكەتتىڭ فيسكالدىق تاپشىلىعىنىڭ ٴوسۋى جانە كىرىستەرىنىڭ تومەندەۋى تۋرالى مالىمدەۋىنىڭ اياسىندا 1،3%-عا (14،41-دەن 14،60-قا دەيىن) السىرەدى. قارجى مينيسترلىگى ٴىجو-عا مەملەكەتتىك بورىشتىڭ 60%-دان جوعارى ٴوسۋىنىڭ الدىن الۋ ٴۇشىن شارالار قابىلداۋ قاجەتتىلىگى تۋرالى حابارلادى;
  • مەكسيكا پەسوسى 0،4%-عا (19،28-دەن 19،36-عا دەيىن) السىرەدى. ينۆەستورلار مەحيكو قالاسىندا قۇنى 13 ملرد. اقش دولل. بولاتىن جاڭا اۋەجاي قۇرىلىسىنىڭ جوباسىنا قاتىستى جوبانىڭ كۇشىن جويۋ تۋرالى وتكىزىلىپ جاتقان رەفەرەندۋمنىڭ شەڭبەرىندە الاڭداۋشىلىق تانىتۋدا;
  • يندونەزيا رۋپياسى ٴوب-نىڭ اعىمداعى بازالىق مولشەرلەمەنى 5،75%-دىق دەڭگەيدە ساقتاۋ تۋرالى شەشىمنىڭ اياسىندا (15 187-دەن 15 217-گە دەيىن) 0،2%-عا السىرەدى;
  • ٴۇندىستان رۋپياسى 0،2%-عا (73،33-تەن 73،47-گە دەيىن) السىرەدى;
  • رەسەي ٴرۋبلى اقش پرەزيدەنتى د.ترامپتىڭ رەسەيمەن ورتا جانە جاقىن قاشىقتاعى راكەتالاردى جويۋ تۋرالى شارتتان شىعۋ نيەتى تۋرالى مالىمدەۋىنىڭ اياسىندا 0،2%-عا (65،46-دان 65،60-قا دەيىن) السىرەدى. رف ورتالىق بانكى ينفلياسيانىڭ ٴوسۋى جاعدايىندا مولشەرلەمەنىڭ ىقتيمال ارتۋى تۋرالى بەلگى بەرىپ، بازالىق مولشەرلەمەنى 7،5%-دىق دەڭگەيدە ساقتاۋ تۋرالى شەشىم قابىلدادى;
  • تۇرىك ليراسى ينفلياسيانىڭ ٴوسۋى جانە ۇلتتىق ۆاليۋتانىڭ السىرەۋى جاعدايىندا مونەتارلىق ساياساتتىڭ ىقتيمال قاتاڭداۋىنا بايلانىستى ورتالىق بانكتىڭ اعىمداعى بازالىق مولشەرلەمەنى 24%-دىق دەڭگەيدە ساقتاۋ تۋرالى شەشىمىنىڭ اياسىندا 0،9%-عا (5،64-تەن 5،59-عا دەيىن) نىعايدى.
  • برازيليا رەالى الەۋمەتتىك - ليبەرالدىق پارتيادان پرەزيدەنتىككە كانديدات جاير بولسونارۋدىڭ جەڭىسىن كۇتۋ اياسىندا 1،9%-عا (3،71-دەن 3،64-كە دەيىن) نىعايدى. دەمالىس كۇندەرى ول برازيليا پرەزيدەنتىنە سايلاۋدا جەڭىسكە جەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي