BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت ۆاليۋتانى رەتتەۋ جانە باقىلاۋعا قاتىستى زاڭ جوباسىن ماقۇلدادى

قر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا ۇلتتىق بانك ٴتوراعاسى دانيار اقىشەۆ ۆاليۋتانى رەتتەۋ جانە ۆاليۋتانى باقىلاۋ ماسەلەلەرى جونىندەگى زاڭ جوباسىن تانىستىردى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

ۇلتتىق بانك ٴتوراعاسى دانيار اقىشەۆتىڭ ايتۋىنشا، جاڭا زاڭ جوباسىنىڭ ماقساتى — قازاقستاننىڭ دۇنيەجۇزىلىك ساۋدا ۇيىمىنا كىرۋى، «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ جانە «استانا» حالىقارالىق قارجى ورتالىعىن قۇرۋ جاعدايىندا ۆاليۋتالىق زاڭنامانىڭ جوسپارلى وزگەرۋى.

«زاڭ جوباسىنىڭ باستى مىندەتى – ۆاليۋتالىق وپەراسيالاردىڭ ستاتيستيكالىق مونيتورينگىن قامتۋدى كەڭەيتۋ جانە قازاقستان اۋماعىندا شەتەل ۆاليۋتاسىن پايدالانۋدى قىسقارتۋ. اتالعان نورمالاردى ىسكە اسىرۋ ۆاليۋتالىق وپەراسيالار تۋرالى اقپاراتتى تاراتۋدى ۇلعايتادى، ۆاليۋتالىق باقىلاۋدىڭ تيىمدىلىگىن ارتتىرادى، ونىڭ ىشىندە ەلدەن اقشا قاراجاتىن شىعارۋعا قارسى ارەكەتتەردىڭ تيىمدىلىگىن ارتتىرۋعا جول اشادى»، — دەدى دانيار اقىشەۆ.

قر ۇلتتىق بانكىنىڭ ٴتوراعاسى نەگىزگى وزگەرىستەر رەتىندە مىنالاردى اتاپ ٴوتتى: شەتەلدىك ۇيىمداردىڭ بولىمشەلەرىن رەزيدەنت رەتىندە تانۋ; ترانسشەكارالىق سيپاتتاعى ۆاليۋتالىق وپەراسيالاردىڭ اۋقىمىن كەڭەيتۋ; كاپيتالدى شىعارۋعا باعىتتالعان وپەراسيالار بويىنشا ۆاليۋتانى باقىلاۋدى كۇشەيتۋ، سونداي-اق قازاقستان اۋماعىندا ۆاليۋتالىق قۇندىلىقتاردىڭ اينالىمىن ٴتۇسىندىرۋ جانە رەزيدەنتتەر اراسىندا رۇقسات ەتىلگەن ۆاليۋتالىق وپەراسيالاردىڭ تىزبەسىن انىقتاۋ. سونىمەن قاتار دانيار اقىشەۆ زاڭ جوباسىندا ليبەرالدىق ۆاليۋتالىق رەجيمنىڭ قاعيدالارىن ساقتاۋ قاراستىرىلعانىن اتاپ ٴوتتى.

«ەشقانداي قاتالداندىرۋ جوق، بۇل شارتتاردى قاتالداندىرۋمەن ەشقانداي بايلانىسى جوق جوسپارلى زاڭ جوباسى»، — دەپ ٴتۇسىندىردى ۇكىمەت وتىرىسىنىڭ قورىتىندىسى بويىنشا جۋرناليستەردىڭ سۇراقتارىنا جاۋاپ بەرگەن قر ۇلتتىق بانكى ٴتوراعاسى.

دانيار اقىشەۆتىڭ ايتۋىنشا، قازاقستاننىڭ دسۇ-عا كىرۋىنەن كەيىن بولىمشەلەر مەن وكىلدىكتەر سانىنىڭ ۇلعايۋى كۇتىلەدى، بۇل ەل ىشىندە شەتەل ۆاليۋتاسىنداعى تولەمدەردىڭ ۇلعايۋىنا اكەلەدى، ول ۇلتتىق مۇددەلەرگە سايكەس كەلمەيدى. وسىعان بايلانىستى قازاقستاندىق كونتراگەنتپەن شەتەلدىك ۇيىمدار بولىمشەلەرىنىڭ ەسەپتەرىن تەڭگەگە اۋدارۋ ۇسىنىلادى. سونىمەن بىرگە وسى زاڭنىڭ ەنگىزىلۋىنە دەيىن قول قويىلعان شارتتارعا قاتىستى جاعدايدىڭ ناشارلاۋىنا ەش سەبەپ جوق.

«زاڭ جوباسىنىڭ ەنگىزىلۋ مەرزىمى – 2019 جىلعى 1 شىلدە»، — دەدى قورىتىندىلاي كەلە دانيار اقىشەۆ.

قاراۋ ناتيجەسى بويىنشا ۇسىنىلعان زاڭ جوباسى ٴبىراۋىزدان قابىلداندى جانە قر پارلامەنتىنە جىبەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي