BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسىن دامىتۋعا قانشا قارجى ٴبولىنىپ وتىر

فوتو: ашық дереккөзден

استانا، baq.kz ٴتىلشىسى. بۇگىن قر پارلامەنتىنىڭ جالپى وتىرىسىندا قر كەيبىر كونستيتۋسيالىق زاڭدارىنا اكىمشىلىك-اۋماقتىق قۇرىلىسى ماسەلەلەرى بويىنشا وزگەرىستەر ەنگىزۋ تۋرالى كونستيتۋسيالىق زاڭ جوباسى ۇسىنىلدى.

مەملەكەت باسشىسىنىڭ جارلىعىنا سايكەس شىمكەنت قالاسى رەسپۋبليكالىق ماڭىزى بار قالاسى ساناتىنا جاتقىزىلعان بولاتىن. سونداي-اق، وڭتۇستىك قازاقستان وبلىسى تۇركىستان وبلىسى بولىپ، ونىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشىرىلدى.

وسى ورايدا قر ۇلتتىق ەكونوميكا ٴبىرىنشى ۆيسە-مينيسترى رۋسلان دالەنوۆ كونستيتۋسيالىق زاڭ جوباسىمەن «قر سايلاۋ تۋرالى» جانە «قر سوت جۇيەسى جانە سۋديالاردىڭ مارتەبەسى تۋرالى» كونستيتۋسيالىق زاڭدارعا وزگەرىستەر ەنگىزۋ كوزدەلگەنىن ايتتى.

«شىمكەنت قالاسىنىڭ رەسپۋبليكالىق ماڭىزى بار قالا ساناتىنا جاتقىزىلۋىنا بايلانىستى تۇزەتۋلەر ارقىلى «رەسپۋبليكالىق ماڭىزى بار قالا» سوزدەرىن «رەسپۋبليكالىق ماڭىزى بار قالالار» سوزدەرىمەن اۋىستىرۋ ۇسىنىلادى. كونستيتۋسيالىق زاڭ جوباسىن قابىلداۋ زاڭنامالىق اكتىلەردىڭ رەسپۋبليكالىق ماڭىزى بار قالالارعا قاتىستى نورمالارىن شىمكەنت قالاسىنا دا قولدانۋعا مۇمكىندىك بەرەدى»، - دەدى ۆيسە-مينيستر.

رۋسلان دالەنوۆ قارالىپ وتىرعان زاڭ جوباسى جانە تۇركىستان قالاسىنىڭ باس جوسپارى تۇجىرىمداماسى ٴوڭىردىڭ ەكونوميكالىق تۇراقتى دامۋىنا قانشالىقتى ىقپال ەتەتىنىن ايتتى.

«تۇركىستان قالاسىن دامىتۋ ٴۇشىن قالانى دامىتۋ بويىنشا باس جوسپاردىڭ تۇجىرىمداماسى قابىلداندى. قازىرگى ۋاقىتتا باس جوسپار ازىرلەنۋدە. كونكۋرس وتكىزىلدى. جوسپاردا قالانى دامىتۋ باعىتتارى ايقىندالاتىن بولادى. ونىڭ ىشىندە ايماقتاندىرۋ، كولىك ينفراقۇرىلىمى، قۇرىلىس، تاريحي وبەكتىلەردى قورعاۋ جانە باسقا باعىتتار بولادى»، - دەدى ۇلتتىق ەكونوميكا ٴبىرىنشى ۆيسە-مينيسترى.

ول 2024 جىلعا دەيىن تۇركىستان وبلىسىن دامىتۋدىڭ ارنايى كەشەندى جوسپارى ازىرلەنىپ جاتقانىن ايتتى.

«جوسپار وتە ۇلكەن جانە اۋقىمدى. وندا 115 ٴىس-شارا، ونىڭ ىشىندە كاسىپكەرلىكتى دامىتۋ، اۋىل شارۋاشىلىعى، قۇرىلىس، تۋريزم، تۇرعىن ٴۇي كوممۋنالدىق شارۋاشىلىعى جانە ت.ب دامىتۋ باعىتتارى بار. جالپى قاراجاتى – 870 ملرد تەڭگە. ونىڭ ىشىندە 400 ملرد تەڭگە رەسپۋبليكالىق بيۋدجەتتەن، 29 ملرد تەڭگە جەرگىلىكتى بيۋدجەتتەن، قالعانى جەكە ينۆەستيسيالار بولادى. وسى كەشەندى جوسپار جىلدىڭ سوڭىنا دەيىن قابىلداناتىن بولادى. وسىلايشا تۇركىستان قالاسى مەن تۇركىستان وبلىسىن دامىتۋدىڭ جۇيەلى جوسپارى بار. ٴتيىستى قارجىلاندىرۋ كوزدەلگەن»، - دەدى رۋسلان دالەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي