BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەڭگە سوڭعى ٴبىر اپتادا 1،6% نىعايدى

2018 جىلعى 12 قاڭتاردان 19 قاڭتار ارالىعىنداعى جەكەلەگەن دامۋشى ەلدەردىڭ ۆاليۋتالارى بويىنشا شولۋ جاسالدى، دەپ حابارلايدى baq.kz اقپارات اگەنتتىگى.

19 قاڭتارداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اپتانىڭ ىشىندە 1،6% (329،67-دەن) نىعايىپ، ٴبىر اقش دوللارى ٴۇشىن 324،27 تەڭگە دەڭگەيىندا قالىپتاستى.

سىرتقى ۆاليۋتالىق نارىق تۇرعىسىنان 12 قاڭتاردان 19 قاڭتار ارالىعىنداعى ماڭىزدى وقيعالار اقش-تىڭ ەكونوميكالىق شولۋىن جاريالاۋ (“اقشىل سارى كىتاپ”)، ەوب وكىلدەرىنىڭ اقش-تىڭ ەكونوميكالىق تۇراقتىلىعى جانە مونەتارلىق ساياساتقا قاتىستى تۇسىنىكتەمەلەرى، قىتاي ٴىجو-نىڭ ٴوسۋى بويىنشا ەكونوميكالىق دەرەكتەر بولدى. وسى فاكتورلار اقش دوللارى باعامىنىڭ الەمدىك نارىقتاردا السىرەۋىنە اكەلىپ سوقتى.

دامۋشى ەلدەردىڭ ۆاليۋتا باعامدارىنىڭ اقش دوللارىنا قاراعاندا سەرپىنى مىناداي تۇردە قالىپتاستى:

• تۇرىك ليراسى پرەزيدەنت رەدجەپ ەردوعاننىڭ سيرياداعى اقش تاراپىنان قولداۋ تاۋىپ وتىرعان كۋردتارعا قارسى اسكەري كۇش قولدانۋ تۋرالى جاريالاۋىنا بايلانىستى تۇرىك رەسپۋبليكاسى مەن اقش اراسىنداعى ٴورشىپ بارا جاتقان شيەلەنىستىڭ اياسىندا 0،6% (3،75-تەن 3،81-گە دەيىن) السىرەدى، ٴبىر اپتا ىشىندە تۇرىك رەسپۋبليكاسىنىڭ ورتالىق بانكى ينفلياسيانىڭ ىقتيمال باياۋلاۋىنا قاراماستان. قاتاڭ مونەتارلىق ساياساتتى ساقتاۋ تۋرالى شەشىم قابىلادى. ورتالىق بانكتىڭ شەشىمى تۇرىك ليراسىنىڭ السىرەۋىن توقتاتتى;

• ٴۇندىستان رۋپياسى 0،3% (63،64-تەن 63،85-كە دەيىن) السىرەدى;

• رەسەي ٴرۋبلى 0،2% (56،60-تان 56،72-گە دەيىن) السىرەدى;

• برازيليا رەالى 0،3% (3،21-دەن 3،20-عا دەيىن) نىعايدى;

• يندونەزيا رۋپياسى 0،3% (13 316-دان 13 353-كە دەيىن) نىعايدى;

• وڭتۇستىك افريكا ٴراندى مولشەرلەمەنىڭ تومەندەۋى تۋرالى بولجامعا قاراماستان وڭتۇستىك افريكا رەزەرۆتىك بانكى بازالىق مولشەرلەمەنى ساقتاۋى اياسىندا 1،4% (12،37-دەن 12،20-عا) نىعايدى;

• مەكسيكا پەسوسى ەركىن ساۋدا-ساتتىق تۋرالى وڭتۇستىك امەريكا كەلىسىمىن (نافتا) قايتا قاراۋعا قاتىستى كەلىسسوزدەر بويىنشا تالداۋشىلاردىڭ نىق سەنىمدەرىنىڭ ارتۋى اياسىندا 2،1% (19،04-تەن 18،64-كە دەيىن) نىعايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي