BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوڭعى ٴۇش ايدا تەڭگەنىڭ ورتاشا باعامى ٴبىر دوللار ٴۇشىن 351 تەڭگەنى قۇرادى – سۇلەيمەنوۆ

استانا، baq.kz. ٴتىلشىسى. بۇگىن ماجىلىستە «2018-2020 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى قارالدى. جالپى وتىرىس بارىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ ەلدىڭ الەۋمەتتىك-ەكونوميكالىق دامۋ كورسەتكىشىمەن تانىستىردى.

«سىزدەردىڭ قاراۋلارىڭىزعا 2018 جىلعا ارنالعان ناقتىلانعان ەلدىڭ الەۋمەتتىك-ەكونوميكالىق دامۋ بولجامى ەنگىزىلىپ وتىر. بولجام كەلەسى فاكتورلاردىڭ نەگىزىندە ناقتىلاندى. 2017 جىلعا ارنالعان نومينالدى جالپى ىشكىم ٴونىم 687،9 ملرد تەڭگەگە ۇلعايۋمەن، ٴىس جۇزىندە 53،1 ترلن تەڭگە كولەمىندە قالىپتاستى (52،4 تريلليون تەڭگە – ساۋىردەگى باعالاۋ). سوڭعى ٴۇش ايدا تەڭگە باعامى ٴبىر اقش دوللارى ٴۇشىن 329-381 تەڭگە ارالىعىندا وزگەردى جانە ورتاشا 351 تەڭگەنى قۇرادى. وسىنى ەسكەرە وتىرىپ تەڭگەنىڭ اقش دوللارىنا قاتىستى ەسەپ ايىرىسۋ باعامى 340 تەڭگەدەن 350 تەڭگەگە دەيىن ۇلعايدى»، - دەدى بايانداماسىندا سۇلەيمەنوۆ.

ٴمينيستردىڭ ايتۋىنشا، جىل باسىنان بەرى مۇناي باعاسى ٴبىرشاما قۇبىلمالىلىقتى كورسەتەدى، ەڭ تومەنگى باعا باررەلىنە 62،6 اقش دوللارىنا دەيىن جەتتى. حالىقارالىق ۇيىمداردىڭ كونسەنسۋس-بولجامى بويىنشا مۇناي باعاسى باررەلىنە 69 دوللاردى قۇرايدى. وسىنى ەسكەرە وتىرىپ مۇناي باعاسىنىڭ باررەلىنە 55 اقش دوللارىنان 60 اقش دوللارىنا دەيىن ارتتى.

«2017 جىلعى ناقتىلانعان بازانى ەسكەرە وتىرىپ، 2018 جىلى نومينالدى جالپى ىشكى ٴونىم 58،2 ترلن تەڭگە كولەمىندە بولجانۋدا. بۇل ٴساۋىر ايىنداعى ناقتىلانعان كورسەتكىشتەن 1،0 ترلن تەڭگەگە جوعارى. ناقتى جالپى ىشكى ٴونىم ٴوسىمى 3،8% دەڭگەيىندە ساقتالدى. نەگىزگى سالالاردىڭ ٴوسۋ قارقىنى بۇرىنعى دەڭگەيدە ساقتالدى. الەمدىك مۇناي باعاسىنىڭ ارتۋىن جانە ەكونوميكانىڭ ٴوسۋىن ەسكەرە وتىرىپ، ەكسپورت 56،5 ملرد دوللارعا دەيىن ارتادى، بۇل رەتتە يمپورت 33،2 ملرد دوللارعا دەيىن تومەندەيدى»، - دەدى ۆەدومستۆو باسشىسى.

سۇلەيمەنوۆتىڭ مالىمەتىنشە، ينفلياسيا بەكىتىلگەن 5،0-7،0% دەڭگەيىندە كۇتىلەدى. تۇزەتىلگەن ماكروەكونوميكالىق بولجام نەگىزىندە 2018 جىلعا ارنالعان رەسپۋبليكالىق بيۋدجەت پارامەترلەرىنىڭ بولجامى ناقتىلاندى. 2018 جىلعا ارنالعان كىرىستەر (ترانسفەرتتەردى ەسەپتەمەگەندە) 5 718،2 ترلن تەڭگە بەكىتىلگەن جوسپار دەڭگەيىندە ساقتالدى.

«شىمكەنت قالاسىنا رەسپۋبليكالىق ماڭىزى بار قالا مارتەبەسى بەرىلۋىنە بايلانىستى 2018 جىلعا ارنالعان رەسپۋبليكالىق بيۋدجەتكە تۇركىستان وبلىسىنىڭ بيۋدجەتىنەن ودان ٴارى شىمكەنت قالاسىنىڭ بيۋدجەتىنە اۋدارۋ ٴۇشىن 15،1 ملرد تەڭگە كولەمىندە ترانسفەرتتەردىڭ ٴتۇسۋى كوزدەلىپ وتىر. رەسپۋبليكالىق بيۋدجەتتىڭ شىعىستارى بۇرىن بەكىتىلگەن كولەمگە قاراعاندا 12،6 ملرد تەڭگەگە ۇلعايۋمەن، 9 655،6 ترلن تەڭگە كولەمىندە بولجانۋدا. بيۋدجەت تاپشىلىعى بۇرىن بەكىتىلگەن 883،3 ملرد تەڭگە نەمەسە جالپى ىشكى ٴونىمنىڭ 1،5% مولشەرىندە ساقتالدى. بولجامدارعا سايكەس، مۇناي ەمەس تاپشىلىقتىڭ دەڭگەيى جالپى ىشكى ٴونىمنىڭ 7،4% قۇرايدى جانە ۇلتتىق قوردى قالىپتاستىرۋ جانە پايدالانۋ تۇجىرىمداماسىمەن بەلگىلەنگەن شەكتى دەڭگەيدەن اسپايدى. ۇلتتىق قورعا مۇناي سەكتورىنان تۇسەتىن تۇسىمدەر بۇرىن بەكىتىلگەن كولەمگە قاراعاندا 1 236،2 ترلن تەڭگەگە ۇلعايۋمەن، 3 121،4 ترلن تەڭگەنى قۇرايدى»، - دەپ تۇيىندەدى تيمۋر سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
04 تامىز 2016, 11:23
1 دوللار = 351،96 تەڭگە
كوممەنتاريي