BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەتەلدىك بانكتەرگە قازاقستاندا فيليالدارىن اشۋعا مۇمكىندىك بەرىلمەك

فوتو: Автор

2020 جىلى شەتەلدىك بانكتەر قازاقستاندا فيليالدارىن اشا الادى. بۇل تۋرالى دسۇ جانىنداعى قازاقستاننىڭ تۇراقتى وكىلى جانار ايتجانوۆا ايتتى، دەپ حابارلايدى baq.kz ٴتىلشىسى.

«دۇنيەجۇزىلىك ساۋدا ۇيىمىنا كىرەر الدىندا قويىلعان مىندەتتەردى ورىنداپ جاتىرمىز. 2020 جىلى ٴبىز شەتەلدىك بانكتەرگە قازاقستاندا فيليالدارىن اشۋعا مۇمكىندىك بەرەمىز. وسىلايشا، ولار قازاقستان تەرريتورياسىندا قىزمەت كورسەتە الادى»، - دەدى وكىل استانادا ٴوتىپ جاتقان «كوپجاقتى ساۋدا جۇيەسىنىڭ بولاشاعىنا ەۋرازيالىق كوزقاراس: دسۇ قوسىلۋ جانە دسۇ قاعيدالارىنىڭ ەۆوليۋسياسى» اتتى دوڭگەلەك ۇستەل كۋلۋارىندا.

ونىڭ پىكىرىنشە، شەتەلدىك بانكتەردىڭ وتاندىق قارجى نارىعىندا جۇمىس ىستەۋى باسەكەلەستىكتى ارتتىرىپ، كورسەتىلەتىن قىزمەتتەردىڭ ساپاسىن ارتتىرۋعا جول اشادى. سونداي-اق قاراپايىم تۇرعىندار يپوتەكالىق نەسيەنى اقش جانە ەۋروپا ەلدەرىندەگى سياقتى تومەن پروسەنتتىك ستاۆكامەن الۋى مۇمكىن.

ەستەرىڭىزگە سالا كەتەيىك، قازاقستان شامامەن 20 جىلعا سوزىلعان كەلىسسوزدەر ناتيجەسىندە 2015 جىلدىڭ شىلدەسىندە دسۇ-عا رەسمي تۇردە مۇشە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي