BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك «شاشۋ» مونەتالار سەرياسىن شىعاردى

فوتو: Otyrar.kz

قازاقستان رەسپۋبليكاسىنىڭ ۇلتتىق بانكى 2017 جىلعى 13 جەلتوقساندا نومينالى 500 تەڭگەلىك «proof» ساپاسىمەن «قازاقستاننىڭ ادەت-عۇرىپتارى، ۇلتتىق ويىندارى» مونەتالار سەرياسىنان جانە نومينالى 100 تەڭگەلىك نەيزيلبەر قوسپاسىنان «شاشۋ» ەسكەرتكىش مونەتالارىن اينالىمعا شىعارادى، دەپ حابارلايدى baq.kz اقپارات اگەنتتىگى قر ۇلتتىق بانك ٴباسپاسوز قىزمەتىنە سىلتەمە جاساپ.

شاشۋ – قۋانىش ايعاعى رەتىندە جاسالاتىن سالتاناتتى ٴداستۇر. وعان سايكەس سالتانات يەلەرىنە قۇدا ٴتۇسۋ، توي نەمەسە باسقا دا ايتۋلى وقيعا كەزىندە كامپيت پەن تيىندار شاشادى. بۇل ساتتىلىك اكەلەتىن جاقسى ىرىم بولىپ ەسەپتەلەدى.

مونەتالاردىڭ بەت جاعىندا (اۆەرسىندە) ورتالىق بولىگىندە ويۋ-ورنەك اياسىندا قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن بىلدىرەتىن سان (كۇمىس مونەتادا «500»، نەيزيلبەر قوسپاسىنان جاسالعان مونەتادا «100») جانە «تەڭگە» دەگەن جازۋ بار. سول جانە وڭ جاق بولىكتەرىندە ۇلتتىق ويۋ-ورنەك ەلەمەنتى ٴبىر دەڭگەيدە بەينەلەنگەن. مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازۋى بار.

مونەتالاردىڭ سىرت جاعىندا (رەۆەرسىندە) ۇلتتىق ادەت-عۇرىپ – شاشۋدىڭ ٴبىر ٴساتى جانە قازاقستان تەڭگە سارايىنىڭ تاۋار بەلگىسى بەينەلەنگەن. جوعارى بولىگىندە اينالدىرا «شاشۋ» دەگەن جازۋ، سوعىلعان جىلىن بىلدىرەتىن «2017» دەگەن سان بار. كۇمىس مونەتادا مونەتا دايىندالعان مەتالدى، ونىڭ سىناماسىن جانە ماسساسىن بىلدىرەتىن «ag 925 24g» دەگەن جازۋ بەينەلەنگەن.

مونەتالاردىڭ بەت جانە سىرت جاعىنداعى بەينەلەر بەدەرلى، اينالدىرا شىعىڭقى جيەك جۇرگىزىلگەن. قىرى دا (گۋرتى) بەدەرلى بولىپ كەلەدى.

مونەتالار:

- 925 سىنامالى كۇمىستەن جاسالعان، ماسساسى – 24 گرامم، ديامەترى – 37 مم، دايىنداۋ ساپاسى – «proof»، ەڭ كوپ تارالىمى – 3 مىڭ دانا;

- «نەيزيلبەر» قوسپاسىنان جاسالعان، ديامەترى – 31 مم، ماسساسى – 11،17 گرامم، تارالىمى – 10 مىڭ دانا.

ەستەلىك مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان. مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

«proof» ساپاسىمەن جاسالعان ەسكەرتكىش مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

نومينالى 500 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق ٴتۇرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكىندە شەكتەۋسىز ۇساقتالادى جانە ايىرباستالادى.

نەيزيلبەر قوسپاسىنان جاسالعان ەستەلىك مونەتالار جاقسارتىلعان ساپامەن دايىندالعان جانە ساتۋ ٴۇشىن ارنايى پوليگرافيالىق وراۋعا سالىنعان.

مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالىندا، ال كۇمىس مونەتالاردى سونداي-اق «مونەتالاردىڭ ينتەرنەت-دۇكەنى» www.nationalbank.kz قرۇب سايتىنىڭ ينتەرنەت دۇكەنى ارقىلى ساتىپ الۋعا بولادى. الماتى قالاسىندا مىنا مەكەنجاي بويىنشا: پانفيلوۆ كوشەسى، 98.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي