بيىل ساقتاندىرۋ كومپانيالارى قازاقستاندىقتارعا 205 ملن تەڭگە تولەدى - قارجى|10 مامىر 2018، 17:38
كۋرسى ۆاليۋت وبنوۆليايۋتسيا
استانا:

بيىل ساقتاندىرۋ كومپانيالارى قازاقستاندىقتارعا 205 ملن تەڭگە تولەدى

2017 جىلى جاراقاتتان جانە ۋلانىپ ولگەندەر سانى 12،7 مىڭ ادامدى قۇرادى. بۇل كورسەتكىش 2016 جىلمەن سالىستىرعاندا 7% از، دەپ حابارلايدى baq.kz اقپارات اگەنتتىگى.

ٴولىمنىڭ نەگىزگى سەبەپتەرىنىڭ ىشىندە وقىس جاعدايدىڭ بولۋى 10،3%-تەن 9،7%-كە قىسقاردى. سونداي-اق، وقىس جاعدايدان ساقتاندىرۋعا حالىق تاراپىنان كەلىپ تۇسەتىن اقشا كولەمى مەن كەرىسىنشە ولارعا كومپانيالار تاراپىنان تولەنەتىن اقشا كولەمى ەكىنشى جىل قاتارىنان ٴوسىپ كەلەدى.

2018 جىلدىڭ قاڭتار-ناۋرىز ايلارىندا جينالعان سىياقى كولەمى 2،8 ملرد تەڭگەنى قۇرادى. بۇل كورسەتكىش 2017 جىلداعى وسى ۋاقىتپەن سالىستىرعاندا 20،4% كوپ.

سونداي-اق، 2018 جىلدىڭ قاڭتار-ناۋرىز ايلارى ارالىعىندا وقىس جاعداي كەزىندە قازاقستاندىقتارعا تولەنەتىن سوما كولەمى 56،6% ٴوسىپ، 205 ملن تەڭگەگە جەتتى. بيىل ٴى توقساندا 29 ساقتاندىرۋ كومپانياسى حالىق تاراپىنان تولەم قابىلدادى. كەلىپ تۇسكەن سوما جاعىنان «حالىق-life» كوش باستاپ تۇر – 1 ملرد تەڭگە، وتكەن جىلمەن سالىستىرعاندا 43،4% كوپ.

ەكىنشى ورىندا 751،6 ملن تەڭگە جيناعان «ەۆرازيا» كومپانياسى تۇر. بۇل ٴبىر جىل بۇرىنعى كورسەتكىشتەن 2،1 ەسە كوپ. ليدەرلەر ۇشتىگىن «قازاقمىس» بەكىتتى. ول 332،4 ملن تەڭگە جيناپ، وتكەن جىلداعى كورسەتكىشىن 0،5% ارتتىردى.

ال 2018 جىلدىڭ قاڭتار-ناۋرىز ايلارىنداعى ەسەپكە سايكەس، ۇزدىكتەر تىزىمىندە «نوماد life» كوش باستاپ تۇر. اتالعان كومپانيا 80،2 ملن تەڭگە جيناپ ۇلگەرگەن. ەكىنشى ورىندا 45،7 ملن تەڭگە جيناعان «حالىق-life»، ٴۇشىنشى ورىندا «ەۆرازيا» تۇر - 24،2 ملن تگ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي