BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساقتاندىرۋ بروكەرلەرىنە مەملەكەتتىك ساتىپ الۋعا قاتىسۋعا تىيىم سالىنادى

فوتو: ашық дереккөзден

استانا، baq.kz. قازاقستان ۇلتتىق بانكى ساقتاندىرۋ دەلدالدىعىن رەتتەيتىن زاڭناماعا - وزگەرىستەر ەنگىزىلگەنىن حابارلادى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ جانە ساقتاندىرۋ قىزمەتى، باعالى قاعازدار نارىعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2018 جىلعى 2 شىلدەدەگى № 166-vi قازاقستان رەسپۋبليكاسىنىڭ زاڭىمەن ساقتاندىرۋ بروكەرلەرىنىڭ جانە ساقتاندىرۋ اگەنتتەرىنىڭ قىزمەتىنە قاتىستى زاڭنامالىق وزگەرىستەر ەنگىزىلدى»، - دەلىنگەن باس بانكتىڭ حابارلاماسىندا.

ساقتاندىرۋ بروكەرلەرى بويىنشا زاڭناماداعى نەگىزگى وزگەرىستەر:

2019 جىلعى 1 قاڭتاردان باستاپ ساقتاندىرۋ بروكەرىنىڭ ليسەنزياسى بروكەرلىك قىزمەتتىڭ ەكى نەگىزگى تۇرىنە بولىنەدى - ساقتاندىرۋ شارتتارىن جاساۋ بويىنشا جانە قايتا ساقتاندىرۋ شارتتارىن جاساۋ بويىنشا.

بروكەرلىك قىزمەتتىڭ ٴاربىر تۇرىنە قاتىستى ساقتاندىرۋ بروكەرلەرىنىڭ قارجىلىق تۇراقتىلىعىن قامتاماسىز ەتۋگە جانە ولار كورسەتەتىن قىزمەتتەردىڭ ساپاسىن ارتتىرۋعا باعىتتالعان جەكەلەگەن رەتتەۋشىلىك تالاپتار ەنگىزىلەدى.

اتاپ ايتقاندا، ساقتاندىرۋ بروكەرىندە مەنشىكتى كاپيتالدىڭ بەلگىلى ٴبىر ەڭ تومەن مولشەرىنىڭ بولۋى جونىندەگى تالاپ ەنگىزىلەدى، سونداي-اق ساقتاندىرۋ بروكەرى قىزمەتىنىڭ تۇرلەرىن ەسكەرە وتىرىپ جارعىلىق كاپيتالعا تالاپتار بەلگىلەۋ جوسپارلانادى.

زاڭ قولدانىسقا ەنگىزىلگەن كۇننەن باستاپ قازاقستان رەسپۋبليكاسى بەيرەزيدەنت ساقتاندىرۋ بروكەرلەرىنىڭ قازاقستاننان تاۋەكەلدەردى ورنالاستىرۋداعى قاتىسۋى شەكتەلەدى، بۇل ىشكى نارىقتىڭ الەۋەتىن جانە رەزيدەنت ساقتاندىرۋ بروكەرلەرىنىڭ وتاندىق ساقتاندىرۋ نارىعىنداعى ٴرولىن ارتتىرۋدى قامتاماسىز ەتەدى.

ساقتاندىرۋ بروكەرلەرى مەملەكەتتىك ساتىپ الۋدىڭ web-پورتالىندا ساقتاندىرۋ شارتتارىن جاساسۋ بويىنشا دەلدالدىق قىزمەتتى جۇزەگە اسىرۋ كەزىندە تۋىندايتىن مۇددەلەر قايشىلىعىن جانە ساقتاندىرۋ جانە ساقتاندىرۋ قىزمەتى تۋرالى زاڭنامانىڭ بۇزىلۋىن بولدىرماۋ ماقساتىندا ساقتاندىرۋ بروكەرلەرىنە ساقتاندىرۋ شارتتارىن جاساسۋمەن بايلانىستى قىزمەتتى ۇسىنۋ جونىندەگى مەملەكەتتىك ساتىپ الۋعا قاتىسۋعا تىيىم سالىنادى. ساقتاندىرۋ ۇيىمدارى عانا قىزمەتتى جەتكىزۋشىلەر بولا الادى.

بۇدان باسقا، ساقتاندىرۋ نارىعىندا تاۋەلسىز تۇلعالار رەتىندە ساقتاندىرۋ بروكەرلەرىنە ساقتاندىرۋ (قايتا ساقتاندىرۋ) ۇيىمدارى جاسايتىن ساقتاندىرۋ (قايتا ساقتاندىرۋ) پۋلدارىنا قاتىسۋشىلاردىڭ ورتاق ىستەرىن باسقارۋ جانە جۇرگىزۋ قۇقىعى بەرىلگەن.

بۇل وزگەرىستەر ساقتاندىرۋ بروكەرلەرىنىڭ دەلدالدىق قىزمەتىن دامىتۋعا جانە كليەنتتەرىنىڭ - ساقتاندىرۋ قىزمەتتەرىن تۇتىنۋشىلاردىڭ مۇددەلەرىن قورعاۋدى قامتاماسىز ەتۋگە باعىتتالعان.

ساقتاندىرۋ اگەنتتەرى بويىنشا زاڭناماداعى نەگىزگى وزگەرىستەر

زاڭنامانى وزگەرتكەننەن كەيىن جەكە تۇلعا ساقتاندىرۋ اگەنتتەرى «ٴومىردى ساقتاندىرۋ» سالاسى بويىنشا قىزمەتتى جۇزەگە اسىراتىن ٴبىر ساقتاندىرۋ ۇيىمىنىڭ جانە (نەمەسە) «جالپى ساقتاندىرۋ» سالاسى بويىنشا قىزمەتتى جۇزەگە اسىراتىن ٴبىر ساقتاندىرۋ ۇيىمىنىڭ اتىنان جانە تاپسىرماسى بويىنشا جۇمىس ىستەۋگە قۇقىلى.

زاڭ قولدانىسقا ەنگىزىلگەن كەزدەن باستاپ (15.07.2018ج.) ساقتاندىرۋ اگەنتتەرى مىنا ساقتاندىرۋ شارتتارىن:

- «قازاقستان رەسپۋبليكاسىنداعى زەينەتاقىمەن قامسىزداندىرۋ تۋرالى» قازاقستان رەسپۋبليكاسىنىڭ زاڭىنا سايكەس جاسالاتىن زەينەتاقى اننۋيتەتى;

- «قىزمەتكەر ەڭبەك (قىزمەتتiك) مiندەتتەرiن اتقارعان كەزدە ونى جازاتايىم وقيعالاردان مiندەتتi ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس جاسالاتىن اننۋيتەتتىك ساقتاندىرۋ;

- «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ زاڭىنا سايكەس مەملەكەتتىك ساتىپ الۋ شەڭبەرىندە جاسالاتىن ساقتاندىرۋ شارتتارى;

- ساقتانۋشىلارى ۇلتتىق باسقارۋشى حولدينگ، ۇلتتىق حولدينگتەر، ۇلتتىق باسقارۋشى كومپانيالار، ۇلتتىق كومپانيالار، قازاقستان رەسپۋبليكاسىنىڭ ۇلتتىق بانكى بولىپ تابىلاتىن ساقتاندىرۋ شارتتارى;

- ساقتانۋشىلارى مەملەكەتتىك ورگاندار، مەملەكەتتىك مەكەمەلەر، مەملەكەتتىك كاسىپورىندار، داۋىس بەرەتىن اكسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى مەملەكەتكە تيەسىلى زاڭدى تۇلعالار جانە ولارمەن ۇلەستەس زاڭدى تۇلعالار بولىپ تابىلاتىن ساقتاندىرۋ شارتتارى;

- «ٴتۋريستى مىندەتى ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس جاسالاتىن ٴتۋريستى مىندەتتى ساقتاندىرۋ شارتتارى بويىنشا دەلدالدىق قىزمەتتى كورسەتۋگە قۇقىلى ەمەس;

«2021 جىلعى 1 قاڭتاردان باستاپ ساقتانۋشىلارى زاڭدى تۇلعالار بولىپ تابىلاتىن مىندەتتى ساقتاندىرۋ شارتتارى بويىنشا ساقتاندىرۋ اگەنتتەرىنىڭ دەلدال بولۋعا قۇقىعى جوق»، - دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي