BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

qazaq bank ليسەنزياسىنان ايىرىلدى

فوتو: ашық дереккөзден

قازاقستان رەسپۋبليكاسىنىڭ ۇلتتىق بانكى «qazaq banki» اق-تى بانكتىك جانە وزگە دە وپەراسيالاردى جانە باعالى قاعازدار نارىعىندا قىزمەت جۇرگىزۋ ليسەنزياسىنان ايىردى، دەپ حابارلايدى baq.kz اقپارات اگەنتتىگى ۇلتتىق بانكتىڭ ٴباسپاسوز قىزمەتىنە سىلتەمە جاساپ.

«قر ۇلتتىق بانكى باسقارماسىنىڭ 2018 جىلعى 27 تامىزداعى № 171 قاۋلىسىنا سايكەس «qazaq banki» اق-تى «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 48-بابىنداعى نەگىزدەر بويىنشا تولەم جانە اۋدارۋ وپەراسيالارى بويىنشا شارتتىق مىندەتتەمەلەرىن جۇيەلى تۇردە تيىسىنشە ورىنداماعانى جانە پرۋدەنسيالىق نورماتيۆتەردى جانە باسقا دا ساقتالۋى مىندەتتى نورمالار مەن ليميتتەردى جۇيەلى تۇردە بۇزعانى ٴۇشىن بانكتىك جانە وزگە دە وپەراسيالاردى جانە باعالى قاعازدار نارىعىندا قىزمەتتى جۇرگىزۋگە قازاقستان رەسپۋبليكاسىنىڭ ۇلتتىق بانكى بانككە 2018 جىلعى 27 شىلدەدە بەرگەن № 1.2.204/37 ليسەنزيادان 2018 جىلعى 28 تامىزدان باستاپ ايىرۋ تۋرالى شەشىم قابىلداندى»، - دەلىنگەن حابارلامادا.

بانكتىڭ اكتيۆتەرى مەن مىندەتتەمەلەرىنىڭ بانك سەكتورىنىڭ اكتيۆتەرى مەن مىندەتتەمەلەرىندەگى ۇلەسىنىڭ تومەن بولۋىنا بايلانىستى (0،8%) بانكتى ليسەنزيادان ايىرۋدىڭ باسقا قارجى ۇيىمدار ٴۇشىن تاۋەكەلدەرى بولمايدى.
قازاقستان رەسپۋبليكاسىنىڭ ۇلتتىق بانكى ٴتوراعاسىنىڭ 2018 جىلعى

27 تامىزداعى № 326 بۇيرىعىمەن ۋاقىتشا اكىمشىلىك تاعايىندالدى، وعان بانكتىڭ بارلىق باسقارۋ ورگانىنىڭ وكىلەتتىكتەرى ٴوتتى. ۋاقىتشا اكىمشىلىك سوت تاراتۋ كوميسسياسىن تاعايىنداعانعا دەيىن جۇمىس ىستەيتىن بولادى.

«ۋاكىلەتتى ورگاننىڭ نورماتيۆتىك قۇقىقتىق اكتىلەرىندە كوزدەلگەن شىعىستارعا، بانككە تۇسكەن اقشانى ەسەپكە الۋعا بايلانىستى جاعدايلاردى قوسپاعاندا، كليەنتتەردىڭ جانە بانكتىڭ ٴوزىنىڭ بانكتىك شوتتارى بويىنشا بارلىق وپەراسيا 2018 جىلعى 28 تامىزدان باستاپ توقتاتىلدى. قازاقستان رەسپۋبليكاسىنىڭ ۇلتتىق بانكى زاڭنامادا بەلگىلەنگەن تارتىپپەن سوتقا بانكتىڭ قىزمەتىن ماجبۇرلەپ توقتاتۋ تۋرالى وتىنىشپەن جۇگىنەدى. سوت بانكتى ماجبۇرلەپ تاراتۋ تۋرالى ٴىس قوزعاعان كۇننەن باستاپ بانكتى ۇستاۋعا جۇمسالعان اعىمداعى شىعىستارعا بايلانىستى تالاپتاردى قوسپاعاندا، كرەديتورلاردىڭ بانككە تالاپتارى تاراتۋ ىسىندە عانا ۇسىنىلادى»، -دەلىنگەن ۇلتتىق بانك تاراتقان حابارلامادا.

بانك جەكە تۇلعالاردىڭ دەپوزيتتەرىنە مىندەتتى كەپىلدىك بەرۋ جۇيەسىنىڭ قاتىسۋشىسى بولىپ تابىلادى، وسىعان بايلانىستى، دەپوزيتورلارعا بەلگىلەنگەن تارتىپپەن كەپىلدىك وتەماقىسى تولەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي