BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتكەن اپتادا تەڭگە 2%-عا السىرەدى

فوتو: ашық дереккөзден

2018 جىلعى 10 تامىزداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اقش دوللارى ٴۇشىن ٴبىر اپتا ىشىندە 2%-عا السىرەپ (349،76-دان)، 356،8 تەڭگە دەڭگەيىندە قالىپتاستى، دەپ حابارلايدى baq.kz اقپارات اگەنتتىگى.

ۇلتتىق بانكتىڭ ٴباسپاسوز قىزمەتىنەن حابارلاعانداي، سىرتقى ۆاليۋتالىق نارىق تۇرعىسىنان 2018 جىلعى 3 تامىزدان 10 تامىز ارالىعىندا ماڭىزدى وقيعالار اقش بيلىگىنىڭ كەيبىر قىتاي تاۋارلارىنا 25%-دىق مولشەردە قوسىمشا باجدار ەنگىزۋى سەبەبىنەن قىتاي تاراپىنان جاۋاپ سانكسيالارى، تۇتىنۋ باعالارىنىڭ يندەكسى جانە اقش-تاعى جالاقىنىڭ ٴوسۋى بويىنشا ەكونوميكالىق دەرەكتەردى جاريالاۋ، تۇركيالىق قارىز الۋشىلاردىڭ كەيبىر ەۋروپالىق بانكتەرگە قارىزدارىن وتەۋمەن بايلانىستى تاۋەكەلدەرگە قاتىستى ەوب-نىڭ مالىمدەمەسى جانە اقش ۇكىمەتىنىڭ رەسەي مەن تۇركياعا قارسى سانكسيالار قولدانۋى بولدى. اتالعان فاكتورلار اقش دوللارى باعامىنىڭ الەمدىك نارىقتاردا ٴبىرشاما نىعايۋىنا اكەلدى.

دامۋشى ەلدەردىڭ ۆاليۋتا باعامدارىنىڭ اقش دوللارىنا قاراعاندا سەرپىنى مىناداي تۇردە قالىپتاستى:

تۇرىك ليراسى ٴبىر اپتا ىشىندە بۇرىن-سوڭدى بولماعان ەڭ تومەنگى شەگىنە جەتىپ، 26،6%-عا دەيىن (5،08-دەن 6،43-كە دەيىن) السىرەۋىن جالعاستىردى

رەسەي ٴرۋبلى اقش ۇكىمەتىنىڭ رەسەيگە قارسى جاڭا سانكسيالار ەنگىزۋى اياسىندا 6،9%-عا (63،35-تەن 67،73-كە دەيىن) السىرەدى.

وڭتۇستىك افريكا رەندى ينۆەستورلاردىڭ دامۋشى نارىقتارعا توزىمدىلىك تاۋەكەلىنىڭ جالپى تومەندەۋى اياسىندا كاپيتالدىڭ اكەتىلۋى سالدارىنان 5،8%-عا (13،32-دەن 14،09-عا دەيىن) السىرەدى;

برازيليا رەالى ەڭبەكشىلەر پارتياسىنىڭ سىبايلاس جەمقورلىق ٴۇشىن ايىپتالاتىن بۇرىنعى پرەزيدەنتى لۋيس لۋلا دا سيلۆانىڭ كانديداتۋراسىن پرەزيدەنتتىك سايلاۋعا ۇسىنۋ تۋرالى كەزەكتى مالىمدەمەسىنىڭ اياسىندا 4،0%-عا (3،71-دەن 3،86-عا دەيىن السىرەدى:

مەكسيكا پەسوسى 1،9%-عا (18،56-دان 18،91-گە دەيىن) السىرەدى;

ٴۇندىستان رۋپياسى 0،3%-عا (68،62-دەن 68،84-كە دەيىن) السىرەدى;

يندونەزيا رۋپياسى ٴبىر اپتا ىشىندە ايتارلىقتاي وزگەرىس كورسەتكەن جوق جانە ٴبىر اقش دوللارى ٴۇشىن 14 498 -14 478 رۋپيي دەڭگەيىندە ساۋدالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي