BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا وڭتۇستىك ٴوڭىردىڭ تۇرعىندارىنا نەسيە الۋ وڭاي

قازىرگى ۋاقىتتا قازاقستاندا 150 شاعىن قارجى ۇيىمدارى (شقۇ) رەسمي تۇردە جۇمىس ىستەيدى. ولار بانكتەرگە قاراعاندا 4،5 ەسە كوپ. ال ەلىمىز بويىنشا وڭتۇستىك ايماقتاعى تۇرعىندارعا سولتۇستىك ازاماتتارىنا قاراعاندا شاعىن نەسيە الۋ وڭاي، دەپ حابارلايدى baq.kz اقپارات اگەنتتىگى ranking.kz-كە سىلتەمە جاساپ.

سالىستىرا كەتەتىن بولساق، وڭتۇستىك وڭىردە 109 شقۇ-نىڭ رەسمي وكىلدەرى (بولىمشەلەرى، كەڭسەلەرى، بولىمدەرى) جۇمىس ىستەيدى. ال، باتىستا 35، شىعىستا 20 ۇيىمنىڭ كەڭسەلەرى بار.

قازاقستان بويىنشا شقۇ الماتىدا شوعىرلانعان. وڭتۇستىك استانانىڭ كاسىپكەرلەرى شاعىن نەسيە بەرەتىن 50-گە جۋىق ۇيىمعا جۇگىنە الادى. ەكىنشى ورىندا وقو تۇر. وندا 30 ۇيىم جۇمىس ىستەيدى. شاعىن نەسيە بەرۋ نارىعىنىڭ ۇشتىگىندە استانا دا بار. ەلوردادا 25 شاقتى شقۇ نەسيە بەرەدى.

نەلىكتەن وڭتۇستىكتە شاعىن نەسيە الۋ وڭاي؟ ويتكەنى، بۇل وڭىردە سولتۇستىككە قاراعاندا كاسىپكەرلەر كوپ. ولار جەرگىلىكتى جەردىڭ ەكونوميكاسىنا اسەر ەتەدى. ال شاعىن قارجى بەرۋ ۇيىمدارى ولارعا نەسيە ۇسىنۋ ٴۇشىن سول ايماقتا ٴجيى اشىلادى جانە سۇرانىس كوپ بولعان سوڭ، شارتتارىن دا جەڭىلدەتەدى.

قر شاعىن نەسيە نارىعىندا kmf كومپانياسىنىڭ وكىلدىگى قارقىندى جۇمىس ىستەيدى. نارىقتىڭ باسقا قاتىسۋشىلارى ولارعا قاراعاندا ٴالسىز. بۇگىندە kmf ەلىمىزدىڭ 14 وڭىرىندە شاعىن نەسيە بەرىپ، 110 كەڭسەدە قىزمەتىن ۇسىنىپ وتىر. وزگە دە ٴىرى شقۇ، اتاپ ايتقاندا تويوتا فاينانشل سەرۆيسەز، kaz credit line جانە اككوردكاپيتال شاعىن نەسيە بەرۋ ۇيىمدارى kmf-تەن ايتارلىقتاي ارتتا كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي