BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇگەدەكتەردىڭ كۇتۋشىلەرىنە زەينەتاقى قالاي تولەنەدى؟

بۇگىن سەناتورلار وسى ماسەلەنى كوتەرىپ، الاڭداۋشىلىق ٴبىلدىردى. سەبەبى كەلەر جىلدىڭ 1 شىلدەسىنەن باستاپ بازالىق زەينەتاقى ازاماتتاردىڭ ەڭبەك وتىلىنە قاراي تاعايىندالادى.

ال مۇمكىندىگى شەكتەۋلى جانداردىڭ كۇتۋشىلەرى تەك بالا كامەلەتتىك جاسقا تولعانعا دەيىن ەڭ تومەنگى جالاقى مولشەرىندە جاردەماقى الادى. بۇگىندە ەلىمىزدە ٴ1-شى توپتاعى مۇگەدەكتەردىڭ سانى – 59 مىڭ. الايدا ونىڭ 13 مىڭى ەرەكشە كۇتىمدى قاجەت ەتەدى. بۇل رەتتە ەڭبەك جانە حالىقتى الەۋمەتتىك قورعاۋ مينيسترلىگى بالا 18 جاستان اسقاننان كەيىن دە ولاردى قارايتىن ادامدارعا جاردەماقى بەرۋ ماسەلەسىن ويلاستىرىپ جاتىر. كەتەتىن شىعىندى ەسەپتەپ، قارجى مينيسترلىگىنە ٴتيىستى ۇسىنىس تا جولداعان.

سەرىك بەكتۇرعانوۆ، قر پارلامەنتى سەناتىنىڭ دەپۋتاتى:

-تۇيتكىلدىڭ ٴتۇيىنىن بىرلەسىپ شەشەيىك. ٴبىز سىزدەردى قولدايمىز. سەبەبى بۇل ازاماتتار نازاردان تىس قالىپ قويا بەرەدى. ولار الەۋمەتتىك تۇرعىدان قولداۋدى قاجەت ەتەدى.

سۆەتلانا جاقىپوۆا، قر ەڭبەك جانە حالىقتى الەۋمەتتىك قورعاۋ ٴمينيسترىنىڭ ورىنباسارى:

-مۇمكىندىگى شەكتەۋلى جانداردىڭ كۇتۋشىلەرىنە بازالىق زەينەتاقى تاعايىنداۋ كەزىندە مۇگەدەكتەرگە قانشا جىل قاتارىنان قاراعانى ەسكەرىلەدى. ارينە ولاردىڭ ەڭبەك ٴوتىلىن 10 جىل مەرزىمگە دەيىن ەسەپكە الامىز. ال ولاردى جيناقتاۋشى زەينەتاقى جۇيەسىنە ەنگىزۋ ماسەلەسى شەشىمدى تالاپ ەتەدى.

حابار 24


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي