BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك الەۋمەتتىك تاپسىرىستى قارجىلاندىرۋ كولەمى 20 ملرد تەڭگەگە جەتتى 

فوتو: Бауыржан Жуасбаев

استانا، baq.kz ٴتىلشىسى. بۇگىن استانادا مەملەكەت باسشىسى نۇرسۇلتان نازاربايەۆتىڭ قاتىسۋىمەن ٴوتىپ جاتقان viii ازاماتتىق فورۋمدا قوعامدىق دامۋ ٴمينيسترى دارحان كالەتايەۆ ازاماتتىق سەكتوردىڭ جاي-كۇيى تۋرالى باياندادى.

«تاۋەلسىزدىكتىڭ العاشقى جىلدارىنان باستاپ ۇەۇ ٴبىزدىڭ كوشباسشىمىزدىڭ ادال قولداۋشىسى بولىپ كەلەدى. 2003 جىلى ٴسىزدىڭ قاتىسۋىڭىزبەن العاشقى ازاماتتىق فورۋم ٴوتتى جانە قازاقستاننىڭ ازاماتتىق اليانسى قۇرىلدى. سول ۋاقىتتان بەرى ۇەۇ قولداۋعا ارنالعان 3 باعدارلاما قابىلداندى. 2006-2011 جىلدارعا ارنالعان ازاماتتىق قوعامدى دامىتۋ تۇجىرىمداماسى، قازىرگە دەيىن 2016-2020 جىلدارعا ارنالعان ۇەۇ مەن مەملەكەتتىڭ ٴوزارا ارەكەتتەستىگى بويىنشا ۇلتتىق جوسپار جۇزەگە اسىرىلىپ جاتىر. وسى ارقىلى ۇەۇ ساپاسى ارتتى. 2003 جىلى 5 مىڭ ۇەۇ بولسا، قازىرگى تاڭدا 22000 مىڭعا جەتتى»، - دەدى مينيستر.

كالەتايەۆتىڭ ايتۋىنشا، 2018 جىلى مەملەكەتتىك الەۋمەتتىك تاپسىرىستى قارجىلاندىرۋ كولەمى 20 ميلليارد تەڭگەگە جەتكەن.

«بۇگىندە ۇەۇ قارجىلاندىرۋ 14 باعىت بويىنشا جۇرگىزىلەدى. قارجىنىڭ ۇشتەن ٴبىر بولىگى الەۋمەتتىك جوبالارعا، تورتتەن ٴبىرى ٴبىلىم سالاسى، جاستاردى قولداۋعا، ٴبىسىنشى بولىگى ازاماتتىق قوعامدى دامىتۋعا، ازاماتتاردىڭ قۇقىعىن قورعاۋعا بولىنەدى جانە ەلدىڭ دامۋىنا ايتارلىقتاي ٴرول وينايدى. وسىلايشا، ۇەۇ سەكتورى ينستيتۋسيونالدى دەڭگەيدە قۇرىلدى دەپ ايتا الامىز»، - دەدى قوعامدىق دامۋ ٴمينيسترى.

ول بۇگىنگى تاڭدا ۇەۇ گرانتتار الاتىن ۇيىم عانا ەمەس، ەلىمىزدە بولىپ جاتقان ۇلكەن پروسەسستەردىڭ بولىگىنە اينالعانىن اتاپ ٴوتتى.

«بۇگىندە قوعامدىق كەڭەس قاتىسۋشىلارىنىڭ تورتتەن ٴبىرىن ۇەۇ قۇرايدى. قازىرگى تاڭدا ەلىمىزدە 4 مىڭ ادامدى قۇرايتىن 229 قوعامدىق كەڭەس جۇمىس ىستەيى. 20 ورتالىق مەملەكەتتىك ورگان مەن 313 جەرگىلىكتى اتقارۋشى ورگاندا ۇەۇ ارەكەتتەستىك بويىنشا وكىلەتتى ينستيتۋت ەنگىزىلدى»، - دەپ ايتتى كالەتايەۆ.

ول ٴسوز سوڭىندا ەلباسىنىڭ « ۇلى دالانىڭ جەتى قىرى» ماقالاسىن ازاماتتىق قوعام وكىلدەرى تاراپىنان قولداۋ تاۋىپ وتىرعانىن ايتتى.

«قۇرمەتتى، فورۋمعا قاتىسۋشىلار. كۇنى كەشە ەلباسىنىڭ « ۇلى دالانىڭ جەتى قىرى» ماقالاسى جاريالاندى. ماقالادا كوتەرىلگەن ماسەلەلەر حالىقتىڭ تاراپىنان سونىڭ ىشىندە ازاماتتىق قوعام وكىلدەرىنىڭ تاراپىنان زور قولداۋ تاۋىپ وتىر. « ۇلى دالانىڭ جەتى قىرى» – حالقىمىزدىڭ رۋحىن كوتەرەتىن، ۇلتتىق سانانى جاڭعىرتۋدىڭ ۇلى باستاماسى. ەلباسى ايتقانداي، وتكەندى ماقتان تۇتىپ، بۇگىندى باعالاۋ، جارقىن بولاشاققا ۇمتىلۋ – ەلىمىزدىڭ تابىستى بولۋىنىڭ كەپىلى. وسى ماڭىزدى ٴىس-شارالاردىڭ باسىندا بەلسەندى قوعام وكىلدەرى تۇرۋ قاجەت دەپ سانايمىن. بۇگىنگى فورۋمنىڭ دا نەگىزگى ماقساتى وسى»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي