BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەگاپوليستىڭ مونوپوليستەرى حالىققا 4،7 ملرد تەڭگەگە جۋىق وتەماقىنى قايتارادى

قالادا جىلۋ، ەلەكتر قۋاتى، سۋ جانە كارىز جۇيەسىنىڭ تاريفتەرى جىلدىڭ سوڭىنا دەيىن بۇرىنعى دەڭگەيدە قالادى، ال گاز 4 پايىزعا تومەندەيدى. ول تۋرالى «نۇر وتان» پارتياسىنىڭ قالالىق كەڭسەسىندە وتكەن ساياسي كەڭەستە بەلگىلى بولدى، دەپ حابارلايدى baq.kz اقپارات اگەنتتىگى.

الماتى اكىمى باۋىرجان بايبەك كوممۋنالدىق قىزمەتتەرگە تاريف قالىپتاستىرۋ جۇيەسى قالا تۇرعىندارى اراسىنداعى ەڭ وزەكتى ماسەلەلەردىڭ ٴبىرى ەكەنىن جانە ول بيلەۋشى پارتيانىڭ تۇراقتى باقىلاۋىندا ەكەنىن اتاپ ايتتى. بۇگىنگى تاڭدا 1،5 ملن-عا جۋىق الماتىلىقتار كوممۋنالدىق قىزمەتتەردى جەرگىلىكتى بيۋدجەت ەسەبىنەن شەكتەلگەن باعا بويىنشا الۋدا. كوممۋنالدىق تولەمدەرى جالپى تابىسىنىڭ 10%-نان اساتىن قالا تۇرعىندارىنا تۇرعىن ٴۇي كومەگىنە قاراجات بولىنۋدە.

«مەملەكەت باسشىسى نەگىزسىز تاريفتى جوعارىلاتۋعا جول بەرمەۋگە نۇسقاۋ بەردى. ول تىكەلەي ادامداردىڭ ٴومىر ٴسۇرۋ دەڭگەيىنە، كاسىپكەرلەرگە، باعالارعا، بارىنە اسەر ەتەدى. وسى ماقساتتا قالالىق پروكۋراتۋرامەن مونوپوليستەر اراسىندا اۋقىمدى، جان-جاقتى تەكسەرۋ جۋرگىزىلدى. نەگىزسىز باعالاردى كوتەرۋ فاكتىلەرى انىقتالدى. قابىلدانعان شارالار ارقاسىندا 1،5 ملن- عا جۋىق ازاماتتاردىڭ قۇقىقتارى قورعالدى، 4،7 ملرد تەڭگەگە جۋىق وتەماقىلىق تاريفتەر ەنگىزىلدى. كوممۋنالدىق قىزمەت قۇنىن ارتتىرۋ ٴۇشىن ەشقانداي دا نەگىز جوق. ٴبىزدىڭ الماتىلىقتار ارتىق تولەم جاساماۋى ٴۇشىن، كەز-كەلگەن نەگىزسىز ارەكەتتەر توقتاتىلادى. پرەزيدەنتتىڭ تاپسىرماسى بار جانە ول ورىندالادى»، - دەدى باۋىرجان بايبەك.

تاريفتى قالىپتاستىرۋ سالاسىنداعى جاعدايدى بايانداۋ بارىسىندا، الماتى پروكۋرورى بەرىك جۋيرىكتايەۆ قالانىڭ باستى قاداعالاۋشى ورگاندار تاراپىنان جۋرگىزىلگەن تەكسەرۋ بارىسىندا ٴبىرقاتار مونوپوليا سۋبەكتىلەرى جونىندە شىعىنداردىڭ نەگىزسىز ٴوسۋى، ونىڭ ىشىندە شىعىنداردىڭ جاساندى ٴوسۋى جانە ينۆەستيسيالىق باعدارلاماردىڭ ورىندالماۋى انىقتالعانىن ايتتى.

«ٴبىز الماتىەنەرگوسبىتتا ەلەكتر قۋاتىن رەتتەۋ قىزمەتىنە تاريفتىك سمەتادا جاريالانعان سوممانىڭ 70%، ال امورتيزاسيالىق اۋدارىمدار بويىنشا 30% عانا جۇمسالعانىن دالەلدەدىك. ياعني، جوسپارلاعان 500 ملن. تەڭگەنىڭ ورنىنا 150 ملن تەڭگە. ناتيجەسىندە ٴۇش جىل ىشىندە تاريفقا نەگىزسىز 1 ملرد 370 ملن تەڭگە بولىنگەن. بۇل سومما 2018 جىلعا ارنالگان تاريفتى كەلىسۋ كەزىندە شەگەرىلگەن. ەنەرگوسبىت ٴوز كىناسىن مويىنداپ، جاۋاپكەرشىلىككە تارتىلدى. ٴوز كەزەگىندە «الاتاۋ جارىق كومپانياسى» توتەنشە رەتتەۋ شارالارىن ەنگىزۋ ەسەبىنەن ەلەكتر قۋاتىن بەرۋ تاريفىن كوتەردى. كەيىنىرەك انىقتالعانداي، ولار بۇل شارانى توتەنشە جاعداي ساناتىنا جاتپايتىن كىشىگىرىم اۆاريالار مەن اعىمداعى جوندەۋ كەرەكتىگىمەن نەگىزدەگەن. ٴبىزدىڭ تالاپتارعا سايكەس، ۋاكىلەتتى ورگان ٴوز شەشىمىنىڭ كۇشىن جويدى. قابىلدانعان شارالارمەن 2،17 ملرد تەڭگەگە شىعىنداردى وتەۋ ٴۇشىن وتەمدىك تاريفتەرى ەنگىزىلدى. 2،83 ملرد تەڭگەگە بولاشاق شىعىننىڭ الدى الىندى. اعىمداعى تاريف 5،6%-عا تومەندەدى»، - دەپ حابارلادى بەرىك جۇيرىكبايەۆ.

قالا پروكۋرورىنىڭ اقپاراتى بويىنشا، سونىمەن قاتار كازترانسگاز ايماق–تا تەكسەرىلدى. مۇندا ينفەستيسيالىق باعدارلامانىڭ بەلگىلى ٴبىر شارالارى ورىندالماعانى بەلگىلەندى. پروكۋرورلىق شارالاردىڭ ارقاسىندا 425 ملن.تەڭگە وتەماقىلىق تاريف ەنگىزىلدى. كاسىپورىن 50 ملن. تەڭگەگە اكىمشىلىك جاۋاپكەرشىلىككە تارتىلدى.

«الماتى سۋ» جىلدان جىلعا وزدەرىنىڭ جاساندى قارجىلىلىق ەسەپتەرىندە تەحنيكالىق شىعىنداردىڭ ەكى ەسە ارتۋىن كورسەتەدى. ياعني بەكىتىلگەن 17،8 % ورنىنا 35 % كورسەتەدى، دەمەك بۇل 70 ملن تەكشە سۋ. بۇل تالدىقورعان جانە قاراعاندى قالالارىنىڭ اۋىز سۋدى تۇتىنۋ مولشەرىنە سايكەس كەلەدى. سونىمەن قاتار ەلەكتر قۋاتىن ساتىپ الۋ شىعىندارى ەسەبىنەن دە تاريف كوتەرىلگەن. ايىرماشىلىق 400 ملن تەڭگەنى قۇرادى. ودان بولەك او «الماتى ەلەكتر ستانسياسى» بويىنشا تاريفتىك سمەتادا وتىن شىعىندارىنا 11،3 ملرد تەڭگە بەلگىلەنگەن. ٴىس جۇزىندە بار-جوعى 10،2 ملرد تەڭگە عانا جۇمسالعان. ٴبىز 110 ملن تەڭگەگە وتەماقى ٴتاريفىن ەنگىزدىك»، - دەدى ول.

ٴوز كەزەگىندە مونوپولياعا قارسى وكىلدەردىڭ ەسەپتەرتەۋلەرى بويىنشا، الماتى قالاسىنىڭ تۇرعىندارى ٴۇشىن ورتاشا ەسەپپەن ٴبىر جىلدا ٴبىر بولمەلى پاتەر ٴۇشىن 4،2 مىڭ تەڭگە، ەكى بولمەلى پاتەر ٴۇشىن 6،6 مىڭ تەڭگە، ٴۇش بولمەلى پاتەر ٴۇشىن 9،6 مىڭ تەڭگە ۇنەمدەلەدى.

«تۇتىنۋشىلار بۇنىڭ ٴبارىن قازان ايىندا ٴوز تۇبىرتەكتەرىنەن كورە الادى» - دەپ حابارلادى كازاحستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ، باسەكەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى. ولاردىڭ بولجامدارىنا سايكەس بۇل شارالار كەلەر جىلى ەنەرگەتيكا مەن كوممۋنالدى شارۋاشىلىقتىڭ نەگىزگى تۇرلەرىنە تاريف قالىپتاستىرۋدا وزگەرىستەرگە جول بەرمەيدى.

جالپى العاندا وتكەن جىلى الماتىدا 800 شاقىرىمدىق ينجەنەرلىك كومۋنيكاسيالار سالىنىپ، كايتا قۇرىلدى. تامىز ايىنىڭ سوڭىنا قاراي 12 شاقىرىمدىق جىلۋ جەلىلەرىن جوندەۋ جۇمىستارى، قولدانىستاعى گاز قۇبىرلارىن كەڭەيتۋ جانە 120 مىڭنان استام تۇرعىنداردى سۋمەن قامتاماسىز ەتەتىن جاڭا سۋ جەلىلەرىن سالۋ اياقتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي