BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازىرگى باعام قۇبىلمالىلىعىنىڭ پسيحولوگيالىق سيپاتى بار — اقىشەۆ

فوتو: 7kun.kz

ەركىن وزگەرۋ رەجيمىندە تەڭگە باعامى ىشكى جانە سىرتقى فاكتورلارعا بايلانىستى بولادى. ولاردىڭ وڭ سەرپىنى ىشكى ۆاليۋتا نارىعىنداعى تەڭگەرىمدى قامتاماسىز ەتەدى. تەڭگە باعامى ىرگەلى فاكتورلار اراسىنداعى ارا-قاتىناستى تولىعىمەن كورسەتەدى. ول نىعايۋ جاعىنا، سول سياقتى السىرەۋ جاعىنا قاراي شامالى اۋىتقۋمەن قالىپتاسۋدا. بۇل تۋرالى قازاقستان ۇلتتىق بانكىنىڭ ٴتوراعاسى دانيار اقىشەۆ قر پارلامەنتى ٴماجىلىسىنىڭ وتىرىسىنان كەيىن باق سۇراقتارىنا جاۋاپ بەرە كەلە ايتىپ بەردى، دەپ حابارلايدى baq.kz اقپارات اگەنتتىگى.

ۇلتتىق بانك باسشىسى سوڭعى كۇندەرى ايىرباستاۋ باعامىنىڭ اۋىتقۋى ورىن العانىن اتاپ ٴوتتى.

«ناتيجەسىندە رەسەي ٴرۋبلىنىڭ السىرەۋى اپتانىڭ باسىنان باستاپ شامامەن 10% بولدى. رەسەي فەدەراسياسى – قازاقستاننىڭ نەگىزگى ساۋدا ارىپتەسى. ەكى ەل ەۋرازيالىق ەكونوميكالىق وداقتىڭ قاتىسۋشىلارى بولىپ تابىلادى. بۇل ەكى ەلدەگى پروسەستەردىڭ ٴوزارا تاۋەلدىلىگىن بىلدىرەدى. ناتيجەسىندە تەڭگە ەكى كۇن (9 جانە 10 ساۋىردە) ىشىندە 1،8% السىرەدى»، - دەپ حابارلادى د. اقىشەۆ.

قر ۇلتتىق بانكىنىڭ ٴتوراعاسى قازاقستان مەن رەسەيدىڭ ۇلتتىق ۆاليۋتالارىنىڭ السىرەۋ قارقىنىنداعى ايىرما، بىرىنشىدەن، قازاقستانعا اقش سانكسيالارىنىڭ قولدانىلمايتىنىنا بايلانىستى ەكەندىگىن اتاپ ٴوتتى. ەكىنشىدەن، د. اقىشەۆتىڭ ايتۋىنشا، رەسەي ٴرۋبلى تەڭگەگە اسەر ەتەتىن ماڭىزدى، ٴبىراق جالعىز فاكتور ەمەس: «قازاقستاننىڭ ماكروەكونوميكالىق كورسەتكىشتەرى تۇراقتى. مۇنايعا باعا ٴبىر باررەل ٴۇشىن 70 اقش دوللارىن قۇرايدى. ەكونوميكالىق ٴوسۋ قارقىندارى جوعارى. تولەم بالانسىنداعى احۋال جاقسارۋدا. ينفلياسيا نىسانالى ٴدالىز شەگىندە. الەمدىك شيكىزات نارىقتارىندا تۇراقتىلىق بولعان جاعدايدا قازاقستان ەكونوميكاسى ٴۇشىن تاۋەكەلدەر شامالى دەپ باعالانادى».

ۇشىنشىدەن، قازاقستان قور نارىعىنىڭ رەسەي نارىعىمەن سالىستىرعاندا وتىمدىلىگى جوعارى ەمەس. ونىڭ جاھاندىق قارجى نارىقتارىنا ىقپالداسۋى از. تيىسىنشە، قازاقستان مەن رەسەيدەگى احۋال ٴارتۇرلى.

د. اقىشەۆ سونداي-اق اقش-تىڭ نەمەسە باسقا ەلدەردىڭ رەسەيگە قاتىستى ىقتيمال ارەكەتتەرىنەن رەسەيدىڭ قارجى نارىعىندا شيەلەنىستىڭ جالعاسۋى ىقتيمال ەكەندىگىن ايتتى. بۇل قىسقا مەرزىمدى بولاشاقتا تەڭگەنىڭ قۇبىلمالىلىعىن ساقتاۋعا اپارادى.

«قازاقستاننىڭ بارىنشا جاقسى ماكروەكونوميكالىق كورسەتكىشتەرىن ەسكەرە وتىرىپ، تەڭگەنىڭ قۇبىلۋى السىرەۋ جاعىنا دا، نىعايۋ جاعىنا قاراي دا ورىن الۋى مۇمكىن. باعامنىڭ اعىمداعى قۇبىلمالىلىعىنىڭ نارىقتىق جانە پسيحولوگيالىق سيپاتى بار. ايتارلىقتاي اۋىتقۋ كەزەڭىندە اكتيۆتەردى شۇعىل اۋىستىرۋ كەيىننەن ەداۋىر شىعىندارعا اپارۋى مۇمكىن»، - دەپ قورىتىندىلادى قر ۇلتتىق بانكىنىڭ ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي