BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زەينەتاقى جيناقتاۋداعى ٴوسىم قارقىنى تومەندەۋدە – ستاتيستيكا

ينۆەستيسيالىق كىرىستەگى قازاقستاندىقتاردىڭ زەينەتاقى اقشاسىنىڭ كولەمى ەكى جىل قاتارىنان ازايىپ كەلەدى. بۇل تۋرالى ranking.kz باسىلىمى جازدى، دەپ حابارلايدى ۆaq.kz اقپارات اگەنتتىگى.

زەرتتەۋ قورىتىندىسىنا سايكەس، بجزق-عا وسى جىلدىڭ 10 ايىندا 1،1 تريلليون تەڭگە ٴتۇستى. بۇل كورسەتكىش بىلتىرعىعا قاراعاندا 19،5 پايىزعا (181،4 ميلليارد تەڭگە) جوعارى. ٴتۇسىمنىڭ نەگىزگى بولىگى، اتاپ ايتقاندا 97 پايىزدان اسا مىندەتتى جارنادان جانە ينۆەستيسيالىق كىرىس ەسەبىنەن ٴتۇستى.

2017 جىلدىڭ قاڭتار-قازان ايلارىندا ينۆەستيسيالىق كىرىس 497،3 ميلليارد تەڭگە بولدى. بۇل بىلتىرعى وسى كەزەڭمەن سالىستىرعاندا 2،4 پايىزعا (12،1 ميلليارد تەڭگە) تومەن. 10 اي ىشىندەگى مىندەتتى جارنا 584،8 ميلليارد تەڭگەنى قۇراپ، ٴبىر جىلدا 48،7 پايىز (191،5 ميلليارد تەڭگە) ٴوستى.

زەينەتاقى قورىنا باسقا دا تۇسىمدەردىڭ كولەمى 3 پايىزعا جەتپەيدى. سوندا زەينەتاقى ٴتۇسىمىنىڭ بارلىق دەرلىك كولەمى مىندەتتى-كاسىبي جارنادان – 29،3 ميلليارد تەڭگەمەن تولىپ وتىر. بۇل كورسەتكىش وتكەن جىلمەن سالىستىرعاندا 9،6 پايىز (2،6 ميلليارد تەڭگە) جوعارى. ودان كەيىن زەينەتاقى جارنالارىن ۋاقتىلى اۋدارماعانى ٴۇشىن پەنيالار مەن ايىپپۇلداردىڭ ٴتۇسىمى – 1،2 ميلليارد تەڭگەنى قۇراپ، جىل ىشىندە 24،7 پايىز (244،9 ميلليون تەڭگە) ٴوستى. ال ٴوز ەركىمەن زەينەتاقى جارناسىن سالۋ 56،4 پايىزعا (131،6 ميلليون تەڭگە) ۇلعايىپ، 364،9 ميلليون تەڭگەگە جەتتى. باسقا تۇسىمدەر جىل ىشىندە 91،1 پايىزعا (949،9 ميلليون تەڭگە)، 92،4 ميلليون تەڭگەگە دەيىن قىسقاردى.

جىل باسىنان بەرى قازاقستاندىقتاردىڭ زەينەتاقى جيناعى 13،4 پايىزعا (896،6 ميلليارد تەڭگە) ۇلعايىپ، قازاننىڭ اياعىندا 7،6 تريلليون تەڭگە بولدى. سوڭعى ايدا جيناق 0،6 پايىزعا (43،3 ميلليارد تەڭگە) ٴوستى. وسى جىلدىڭ تامىز ايىندا زەينەتاقى جيناقتاۋدىڭ ەڭ جوعارى كورسەتكىشى – 2،1 پايىز (153،3 ميلليارد تەڭگە) تىركەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي