قازاقستاندىقتار بيىل شەتەلگە 2 ەسە كوپ اقشا اۋداردى - قارجى|07 ماۋسىم 2018، 10:36
كۋرسى ۆاليۋت وبنوۆليايۋتسيا
استانا:

قازاقستاندىقتار بيىل شەتەلگە 2 ەسە كوپ اقشا اۋداردى

قازاقستاندىقتار قىتاي، قىرعىزستان جانە تۇركياعا وتكەن جىلمەن سالىستىرعاندا ەكى ەسە كوپ اقشا جىبەردى. بارىنەن كوپ اقشا رەسەيگە اۋدارىلعان، دەپ حابارلايدى baq.kz اقپارات اگەنتتىگى ranking.kz سايتىنا سىلتەمە جاساپ.

2018 جىلى ٴقاڭتار-ساۋىر ايلارىندا قازاقستان رەسپۋبليكاسىنان شەتەلگە اۋدارىلعان اقشانىڭ جالپى سوماسى 45،6 ملرد تەڭگەنى قۇرادى. بۇل ناۋرىزداعى كورسەتكىشپەن سالىستىرعاندا 9،5%، ال وتكەن جىلمەن سالىستىرعاندا 36،6% كوپ.

بيىل جالپى شەتەلگە 159،9 ملرد تەڭگە اۋدارىلدى. 2017 جىلمەن سالىستىرعاندا 36،5% كوپ.

2018 جىلدىڭ ٴقاڭتار-ساۋىر ايلارىندا رەسەيگە 69،6 ملرد تەڭگە اۋدارىلدى. بۇل كورسەتكىش ٴبىر جىلدا 31،2% ٴوستى. ال مەملەكەتتەگى ۇلەسى 45،5%-تەن 43،8%-كە ازايدى.

بۇدان كەيىنگى ورىندا 19،5 ملرد تەڭگەمەن وزبەكستان تۇر. ٴبىر جىلدا 39،9% ٴوستى. ال مەملەكەتتەگى ۇلەسى 11،9%-تەن 12،3%-كە ٴوستى.

كوشباسشىلار ۇشتىگىن تۇركيا بەكىتتى. اتالعان مەملەكەتكە 18،3 ملرد تەڭگە اۋدارىلعان. بۇل كورسەتكىش وتكەن جىلمەن سالىستىرعاندا ەكى ەسە كوپ. ال مەملەكەتتەگى ۇلەسى 7،8%-تەن 11،5%-كە وسكەن.

شەتەلگە اقشا اۋدارۋ جۇيەلەرى ىشىندە «زولوتايا كورونا» كوش باستاپ تۇر. اتالعان جۇيەنىڭ كومەگىمەن شەتەلگە 92،9 ملرد تەڭگە اۋدارىلعان. بۇل كورسەتكىش ٴبىر جىلدا 85،4% ٴوسىپ وتىر. ال قر-داعى ۇلەسى 43%-تەن 58،4%-كە وسكەن.

ەكىنشى ورىندا 25،2 ملرد تەڭگەمەن western union جۇيەسى تۇر. اتالعان كورسەتكىش ٴبىر جىلدا 33،1% وسكەن. قر-داعى ۇلەسى 16،2%-تەن 15،8%-كە قىسقارعان.

كوشباسشىلار ۇشتىگىن 14،5 ملرد تەڭگەمەن «يۋنيستريم» جۇيەسى بەكىتتى. كورسەتكىش ٴبىر جىل ىشىندە 2،4% ٴوستى. ال جۇيەنىڭ ۇلەسى 12،2%-تەن 9،1%-كە قىسقارعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي