قازاقستاندىقتار اقشالارىن جاراتۋعا قورقادى – زەرتتەۋ - قارجى|29 مامىر 2018، 10:39
كۋرسى ۆاليۋت وبنوۆليايۋتسيا
استانا:

قازاقستاندىقتار اقشالارىن جاراتۋعا قورقادى – زەرتتەۋ

فوتو: ашық дереккөзден

قازاقستاندىقتاردىڭ 45% ۆاليۋتا باعامىنان تۋىنداعان قۇلدىراۋدان تاياۋ جىلدارى ەلىمىزدىڭ شىعاتىنىنا كۇمان كەلتىرۋدە، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

وسى رەتتە، ساۋالناماعا قاتىسقانداردىڭ 8% قازاقستانداعى ەكونوميكالىق جاعداي ٴبىر جىلدىڭ ىشىندە جاقساراتىنىنا سەنىمدى.

nielsen kazakhstan بولشەك ٴاۋديتىنىڭ باسشىسى مادينا سەيسەنعاليەۆانىڭ ايتۋىنشا، قازاقستاندا حالىقتىڭ كوڭىل كۇيىن جانە بولاشاققا دەگەن سەنىمىن بىلدىرەتىن تۇتىنۋشىلىق سەنىم يندەكسى 2017 جىلى iv توقساندا 2 پۋنكتكە تومەندەپ (جىل باسىنداعى وسىمنەن كەيىن)، 81 دەڭگەيىندە تۇراقتادى.

الايدا قازاقستاندىقتار رەسەيلىكتەرمەن (69%)، ۋكراينالىقتارمەن (61%) جانە بەلورۋستارمەن (60%) جارىسۋدا جاقسى بولجامدار جاساۋدا.

«ۇلتتىق ۆاليۋتانىڭ قۇنسىزدانۋى ساتىپ الۋشىلاردىڭ كوڭىل كۇيىندە كورىنىس تابۋدا، ولار ازىق-تۇلىك باعاسى قىمباتتاۋى مۇمكىن دەپ قورقادى (16%). بۇدان باسقا، قازاقستاندىقتار ەكونوميكانىڭ بۇگىنگى جاعدايىنا الاڭداۋلى (13%) جانە جۇمىسىمىزدان، كۇن كورىس كوزىنەن ايىرىلىپ قالامىزبا دەپ قورقادى (11%)»، - دەپ ٴتۇسىندىردى سەيسەنعاليەۆا.

ونىڭ ايتۋىنشا، قۇنسىزدانۋدان تۋىنداعان تاۋەكەلدەر قازاقستاندىقتاردىڭ باسىم بولىگىن ۇنەمدەۋگە كوشۋگە يتەرمەلەۋدە جانە بۇل بۇگىنگى كۇننىڭ جاڭا شىندىعى.

«ساۋالناماعا قاتىسقان رەسپوندەنتتەردىڭ 55% شىعىن كولەمىن ازايتۋ ٴۇشىن جاڭا كيىمدەردى ساتىپ الۋ شىعىنىن قىسقارتاتىنىن ايتقان. تاعى 50% ۇيدەن تىس قىدىرۋعا كەتەتىن شىعىندى قىسقارتپاقشى. ال، تاعى 41% ەڭبەك دەمالىسى مەن دەمالىس شىعىنىن ازايتپاقشى. سونىمەن قاتار، 36% تەحنيكانى جاڭارتۋ سىندى ماسەلەلەردى كەيىنگە قالدىرماقشى. مىسالى تەلەفون، تۇرمىستىق تەحنيكا نەمەسە كامپيۋتەر ساتىپ الۋ جانە ت.ب. ساتىپ الۋشىلاردىڭ 33% كۇندەلىكتى سۇرانىستاعى زاتتاردى الۋ ٴۇشىن ارزانىراق برەندتەرگە كوشپەكشى»، - دەپ ٴتۇسىندىردى سەيسەنعاليەۆا.

ساراپشى اتاپ وتكەندەي، بۇگىندە قازاقستاندىقتاردىڭ 76% اقشانى جاراتۋدىڭ قاجەتى جوق دەگەن سەنىمدە. ال، اقشاسىن شاشۋعا دايىن ەلدەردىڭ رەيتينگىسىندە قازاقستان سوڭعى وندىققا ەندى. الايدا بۇل جولى دا ول رەسەي (82%)، ۋكراينا (86%) مەن بەلارۋس (88%) ەلدەرىن باسىپ وزدى.

وسى رەتتە، ايتا كەتەر بولساق، تۇركيا، دانيا مەن گەرمانيا تۇرعىندارى وزدەرىن جاقسى سەزىنەدى، ولاردىڭ اقشانى جاراتۋعا دايىندىعى سايكەسىنشە 60%، 55% جانە 52% قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي