BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا «جاقسى» جالاقىنى كىمدەر الاتىنى بەلگىلى بولدى

قر كاسىپورىندارى ىسكەرلىك بەلسەندىلىكتى قالپىنا كەلتىرە وتىرىپ، ٴوز جۇمىسشىلارىنا كوپ نازار بولە باستادى. سونىڭ نەگىزىندە بيىلعى جىلى ناقتى جالاقى كولەمىنىڭ ٴوسىمىن ەكونوميكا سالالارىنىڭ 48%-ى سەزدى (45 سالا). ٴبىر جىل بۇرىن بۇل كورسەتكىش 35% بولاتىن (33 سالا)، دەپ حابارلايدى baq.kz پورتالى energyprom.kz ساراپشىلارىنا سىلتەمە جاساپ.

قازاقستان ەكونوميكاسىندا ناقتى ورتاشا ايلىق جالاقى ٴوسىمى جۇمىسقا ورنالاستىرۋ سالاسىندا تىركەلىپ وتىر – بىلتىرعى جىلدىڭ قاڭتار-ناۋرىز ايلارىمەن سالىستىرعاندا، بيىل سالا ماماندارىنىڭ جالاقىسى بىردەن 100،8 مىڭ تەڭگەگە نەمەسە 30%-كە ٴوستى. ال سالاداعى ناقتى جالاقى ٴوسىمى، ينفلياسيانى ەسكەرگەندە، 20،2%-كە ارتقان.

ناقتى جالاقى ٴوسىمى بويىنشا ۇزدىك ۇشتىك قاتارىندا قۇبىرلار ارقىلى تاسىمال جۇمىسىمەن اينالىساتىن كاسىپورىندار بار. بيىلدان بەرى جۇمىسشىلارعا تولەنەتىن اقى بىلتىرعى سايكەس مەرزىممەن سالىستىرعاندا 95،4 مىڭ تەڭگەگە وسكەن.

ۇزدىك ۇشتىكتى كومپيۋتەر مەن تۇرمىستىق تەحنيكا جوندەۋ ۇيىمدارى بەكىتىپ وتىر. ونداعى جالاقى ٴبىر جىل ىشىندە 77 مىڭ تەڭگەگە نەمەسە 51%-كە كوبەيگەن.

بيىلعى جىلى ەڭ جوعارى جالاقىنى تەڭىز نەمەسە جاعاداعى جۇك كولىكتەرىندە جۇمىس ىستەيتىندەر الاتىنى انىقتالدى (661،2 مىڭ تەڭگە، بۇل كورسەتكىش بىلتىرعىمەن سالىستىرعاندا 6%-كە ازايعان). سونىمەن قاتار سۋ كولىگى كاسىپورىندارىندا (569،5 مىڭ تەڭگە) جانە ٴىرى كومپانيالاردا ىستەيتىن جۇمىسشىلار دا جاپ-جاقسى جالاقىمەن (454 مىڭ تەڭگە) قامتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي