استانا: 
2042 
0
الدىن الا باعالاۋ بويىنشا اعىمداعى وپەراسيالار شوتى 2017 جىلعى 1-توقسانداعى 1،4 ملرد اقش دوللار دەفيسيتپەن سالىستىرعاندا 2018 جىلعى 1-توقساندا 95 ملن اقش دولل. ازداعان دەفيسيتپەن قالىپتاستى. ەنەرگيا تاسىمالداۋىشتارى باعاسىن قالپىنا كەلتىرۋ اياسىندا ساۋدا بالانسى ٴپروفيسيتىنىڭ ۇلعايۋى اعىمداعى وپەراسيالار شوتى دەفيسيتىنىڭ قىسقارۋىنا سەبەپشى نەگىزگى فاكتور بولدى، دەپ حابارلايدى baq.kz اقپارات اگەنتتىگى ۇلتتىق بانك ٴباسپاسوز قىزمەتىنە سىلتەمە جاساپ.
الدىن الا دەرەكتەر بويىنشا ساۋدا بالانسىنىڭ وڭ سالدوسى 2017 جىلعى 1-توقسانمەن سالىستىرعاندا 41،7% ۇلعايىپ، 6،1 ملرد. اقش دولل. بولدى. تاۋارلار ەكسپورتى 25،9 % ۇلعايدى جانە 13،8 ملرد. اقش دولل. بولدى. مۇناي جانە گاز كوندەنساتى ەكسپورتىنىڭ قۇنى (جالپى ەكسپورتتان 60،3%) باعا جانە ساندىق كولەمدەردىڭ ۇلعايۋى ەسەبىنەن 35،5%-عا ٴوستى. ٴتۇستى مەتالدار ەكسپورتى 8،5%-عا ٴوستى، قارا مەتالدار ەكسپورتى 2،2%-عا ازداپ تومەندەدى. استىق ەكسپورتى ەكى ەسەگە دەرلىك ۇلعايدى.
تاۋارلار يمپورتى 15،7% ٴوستى جانە 7،8 ملرد. اقش دوللارى بولدى. يمپورتتىڭ ٴوسۋى نەگىزگى تاۋار نومەنكلاتۋراسىنىڭ بارلىق توبى بويىنشا بولدى. ەڭ كوپ ۇلعايۋ (24،8%-عا) ينۆەستيسيالىق تاۋارلاردى اكەلۋ (رەسمي يمپورتتان 35،4%) بويىنشا بولدى. ارالىق ونەركاسىپتىك تۇتىنۋ تاۋارلارىن اكەلۋ 9،2% ۇلعايدى. تۇتىنۋ تاۋارلارىنىڭ يمپورتى 13،3%، ونىڭ ىشىندە ازىق-تۇلىك تاۋارلارىن اكەلۋ – 16،1%، ازىق-تۇلىككە جاتپايتىن تاۋارلار 11،5% ٴوستى.
شەتەلدىك تىكەلەي ينۆەستورلاردىڭ كىرىستەرى 4،6 ملرد. اقش دوللارعا دەيىن 6،7% ٴوستى. بەيرەزيدەنتتەردىڭ تىكەلەي ينۆەستيسيالاردان كىرىستەرىنىڭ جارتىسىنان كوبى قازاقستاندىق ەنشىلەس كاسىپورىنداردى قارجىلاندىرۋعا باعىتتالدى.
قارجى شوتى بويىنشا (ۇلتتىق بانكتىڭ رەزەرۆتىك اكتيۆتەرىمەن وپەراسيالاردى قوسپاعاندا) الدىن الا دەرەكتەر بويىنشا رەزيدەنتتەردىڭ ولاردىڭ اكتيۆتەرىنىڭ قىسقارۋى اياسىندا مىندەتتەمەلەرىنىڭ تومەندەۋىمەن قامتاماسىز ەتىلگەن كاپيتالدىڭ تازا اكەتىلۋى 0،6 ملرد. اقش دوللار بولدى.
شەتەلدىك تىكەلەي ينۆەستيسيالار (شتي) بويىنشا كاپيتالدىڭ تازا اكەلىنۋى 2،6 ملرد. اقش دوللارىن قۇرادى. كاپيتالدىڭ اكەلىنۋى شەتەلدىك ۇلەستەس كومپانيالاردىڭ قازاقستاندىق كاسىپورىندار الدىنداعى وزدەرىنىڭ بورىشتىق مىندەتتەمەلەرىن وتەۋمەن جانە بەيرەزيدەنتتەردىڭ كىرىستەرىن قايتا ينۆەستيسيالاۋمەن قامتاماسىز ەتىلدى. بەيرەزيدەنتتەرگە ديۆيدەنتتەردى ايتارلىقتاي تولەۋمەن بايلانىستى (تولەم بالانسىن جىكتەۋ بويىنشا كاپيتالدى الۋ رەتىندە قاراستىرىلاتىن سۋپەرديۆيدەنتتەر دەپ اتالاتىن) كاپيتالدىڭ اكەتىلۋى كاپيتالدىڭ اكەلىنۋىن ٴىشىنارا وتەدى.
پورتفەلدىك ينۆەستيسيالار بويىنشا كاپيتالدىڭ تازا اكەتىلۋى، نەگىزىنەن «قازمۇنايگاز» بارلاۋ ٴوندىرۋ» اق-تىڭ (قمگ ٴبو) «قازمۇنايگاز» اق-تىڭ قمگ ٴبو-عا ٴوز باقىلاۋىن ۇلعايتۋى ماقساتىندا نارىقتا ٴوز اكسيالارىن جانە اۋقىمدى دەپوزيتارلىق قولحاتتاردى ساتىپ الۋى، سونداي-اق «بجزق» اق-تىڭ ۆاليۋتالىق پورتفەلىنىڭ ٴوسۋى جانە ونىڭ 220 ملن. اقش دوللار مولشەرىندەگى اكتيۆتەرىنىڭ ٴبىر بولىگىن سىرتقى باسقارۋعا بەرۋ ەسەبىنەن 1،8 ملرد. اقش دوللارىن قۇرادى.
رەزەرۆتىك اكتيۆتەر (قر ۇلتتىق قورىنىڭ اكتيۆتەرىن ەسەپتەمەگەندە) 2018 جىلعى 1 ساۋىردەگى جاعداي بويىنشا 30،6 ملرد. اقش دوللارىنا باعالاندى، بۇل قازاقستاندىق تاۋارلار مەن قىزمەتتەر يمپورتىن 8،4 اي قارجىلاندىرۋدى قامتاماسىز ەتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6499
0