BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا كومىر باعاسى ٴبىر جىلدا 28% قىمباتتادى

قازاقستاندا سوڭعى 5 جىل ىشىندە العاش رەت تاس كومىر ٴوندىرىسى كولەمى ۇلعايدى، دەپ حابارلايدى baq.kz اقپارات اگەنتتىگى ranking.kz سايتىنا سىلتەمە جاساپ.

وتكەن جىلى 0،5% (52 تەڭگە) ارزانداپ، ٴبىر توننا كومىردىڭ باعاسى 9،5 مىڭ تەڭگە بولدى. 2017 جىلى كومىر باعاسى 27،6% (2،6 مىڭ تەڭگە) ٴوسىپ، ٴبىر تونناسىنىڭ باعاسى 12،0 مىڭ تەڭگە بولدى. وسىلايشا قازاقستاندا سوڭعى بەس جىلدا العاش رەت كومىر باعاسى ايتارلىقتاي قىمباتتادى.

2017 جىلدىڭ قاڭتار-قاراشا ايلارىندا تاۋ-كەن ورىندارى 95،9 ملن توننا تاس كومىر ٴوندىردى. بۇل 2016 جىلمەن سالىستىرعاندا 5،2% (4،8 ملن تونن) كوپ. كومىر باعاسى قازاقستاننىڭ بارلىق ايماعىندا قىمباتتادى. ەڭ ارزان كومىر پاۆلودار قالاسىندا 1 تونناسىنىڭ باعاسى 7 890 تەڭگەمەن ساتىلىپ جاتىر. اتالعان ايماقتا كومىر باعاسى 27،6% (1 705 تەڭگە) قىمباتتادى.

كومىر باعاسىنىڭ ارزاندىعى جاعىنان ەكىنشى ورىندا سەمەي قالاسى تۇر. اتالعان ايماقتا كومىردىڭ ٴبىر تونناسى 7 937 تەڭگە بولىپ ساتىلىپ جاتىر. ٴبىر جىل ىشىندە كومىر باعاسى 10،1% (726 تەڭگە) ٴوستى. وسى ۇشتىكتى وسكەمەن قالاسى بەكىتەدى. بۇل ايماقتا كومىردىڭ ٴبىر تونناسى - 8 512 تەڭگە. اتالعان باعا 2016 جىلمەن سالىستىرعاندا 9،8% (762 تەڭگە) كوپ. ال كەرىسىنشە كومىر ورال، شىمكەنت جانە جەزقازعان قالالارىندا قىمبات باعامەن ساتىلىپ جاتىر. ورالدا – 17 000 تەڭگە، شىمكەنت پەن جەزقازعاندا – 14 500 تەڭگە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي