BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا بالالار دەپوزيتىن اشقانداردىڭ سانى ارتتى

تۇرعىن ٴۇي قۇرىلىس جيناق بانكىندە («بايتەرەك» حولدينگىنىڭ ەنشىلەس ۇيىمى) بالالار دەپوزيتىنە دەگەن سۇرانىس ارتىپ كەلەدى. ۇل-قىزىنىڭ اتىنا شوت اشقان اتا-انالاردىڭ سانى ٴقازىر 145 000 بولىپ وتىر. ال ٴبىر جىل بۇرىن بانكتە 133 000 بالالار دەپوزيتى بار ەدى، دەپ حابارلايدى ۆaq.kz اقپارات اگەنتتىگى.

بانكتەگى بالالار دەپوزيتى بويىنشا ەڭ ۇلكەن جيناق سوماسى 10 ملن تەڭگەنى قۇرادى.

سالىمدار سانىنا قاتىستى العاندا 1-10 جاس ارالىعىنداعى بالالاردىڭ اتىنا اشىلعان شوتتار ۇلەسى باسىم. بارلىعى 80 000 دەپوزيت وسى جاس توبىنداعى كليەنتتەرگە رەسىمدەلگەن. ەكىنشى ورىندا جالپى سانى 55 000 دەپوزيتى بار 10-18 جاس ارالىعىنداعى سالىمشىلار تۇر. ٴۇشىنشى ورىن بانكتىڭ ەڭ كىشكەنتاي كليەنتتەرى – 1 جاسقا دەيىنگى بالالاردىڭ ەنشىسىندە. ولاردىڭ اتىنا بارلىعى 10 000 دەپوزيت اشىلعان.

"جىل سايىن مۇنداي دەپوزيتتەر كۇزدە بالالار مەكتەپكە بارعاندا كەزدە ٴجيى اشىلادى. ٴدال وسى ۋاقىتتا اتا-انالار ۇل-قىزدارىنىڭ ٴوسىپ كەلە جاتقانىن تۇسىنە وتىرىپ، ولاردىڭ بولاشاعىنا قارجىلاي كومەك كورسەتۋدى قولعا الادى. اي سايىن تۇرعىن ٴۇي قۇرىلىس جيناق بانكىندەگى دەپوزيتكە از-ازدان اقشا سالىپ وتىرادى. وتباسىلىق بيۋدجەتكە بۇل اسا قاتتى اسەر ەتە قويمايدى، ەسەسىنە كەيىن بالاعا باسپانا الىپ بەرۋ مۇمكىندىگى پايدا بولادى. مەن 6 جاستاعى بالاسىنىڭ شوتىندا 10،3 ملن تەڭگەنىڭ باسىن قۇراعان جانە ارى قاراي اقشا جيناپ جاتقان اتا-انانى بىلەمىن. بانك تە دەپوزيتتەگى سوماعا جىل سايىنعى مەملەكەت سىيلىقاقىسىن جانە بانك سىياقىسىن اۋدارىپ، ٴتيىمدى قولداۋىن كورسەتىپ وتىر. وسى ەكى بونۋستى قوسقاندا، سالىم بويىنشا جىلدىق ٴتيىمدى مولشەرلەمە 13،3%-عا دەيىن بارادى"، - دەپ ٴتۇسىندىردى تۇرعىن ٴۇي قۇرىلىس جيناق بانكى باسقارما ٴتورايىمى ٴلاززات يبراگيموۆا.

18 جاسقا تولعان بارلىق بانك سالىمشىلارى تاعى ٴبىر ٴتيىمدى ۇسىنىسقا قول جەتكىزەدى، اتاپ ايتقاندا جىلدىق مولشەرلەمەسى 3،5-5% ارالىعىنداعى تۇرعىن ٴۇي زايمىنان ۇمىتكەر بولا الادى.

دەپوزيتتى بالانىڭ اتىنا كەز كەلگەن جەردە، كەز كەلگەن ۋاقىتتا اشۋعا بولادى. ول ٴۇشىن بانك كەڭەسشىسىن شاقىرۋ مۇمكىندىگى قاراستىرىلعان. دەپوزيت اشۋ ٴۇشىن اتا-انانىڭ ٴبىرىنىڭ جەكە كۋالىگى مەن بالانىڭ تۋۋ تۋرالى كۋالىگى قاجەت.

14 جاسقا دەيىن بالانىڭ اتىنا دەپوزيتتى اتا-انا رەسىمدەيدى. 14 جاستان باستاپ شوتتى بالانىڭ ٴوزى اشادى، تەك اكەسىنىڭ نەمەسە اناسىنىڭ كەلىسىمى قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي