قازاقستاندا بالاباقشاعا كەتەتىن شىعىننىڭ تورتتەن ٴبىر بولىگىن اتا-انالار كوتەرەدى – زەرتتەۋ - قارجى|24 مامىر 2018، 10:59
كۋرسى ۆاليۋت وبنوۆليايۋتسيا
استانا:

قازاقستاندا بالاباقشاعا كەتەتىن شىعىننىڭ تورتتەن ٴبىر بولىگىن اتا-انالار كوتەرەدى – زەرتتەۋ

فوتو: www.inform.kz

2018 جىلدىڭ ٴساۋىر ايىندا قازاقستاندىق اتا-انالار مەكتەپكە دەيىنگى ٴبىلىم بەرۋ ورتالىعىنا بارعان بالالارى ٴۇشىن كۇنىنە 817 تەڭگەدەن تولەدى. بۇل الدىڭعى جىلمەن سالىستىرعاندا 4،9% كوپ، دەپ حابارلايدى baq.kz اقپارات اگەنتتىگى.

ەڭ جوعارعى باعالار استانا مەن الماتى قالالارىندا تىركەلدى. بۇل ايماقتاردا اتا-انالار مەكتەپكە دەيىن ٴبىلىم بەرۋ ورتالىقتارىندا ٴبىر كۇنگە 1 862 (+7،6%) جانە 1 666 (+14،6%) تەڭگە تولەيدى.

شىمكەنت قالاسىندا مەكتەپكە دەيىنگى ٴبىلىم بەرۋ ورتالىقتارىنىڭ ٴبىر كۇندىك باعاسى بىردەن 19،2% قىمباتتاپ، 1023 تەڭگەگە جەتتى. بۇل سالادا كورسەتىلگەن قىزمەتتەردىڭ جالپى سوماسى 244،2 ملرد تەڭگەنى قۇرادى. بۇل الدىڭعى جىلمەن سالىستىرعاندا 13،2% كوپ.

بارىنەن كوپ مەكتەپكە دەيىن ٴبىلىم بەرۋ ورتالىعىنىڭ قىزمەتتەرىن وڭتۇستىك قازاقستان وبلىسى (22،5%) جانە الماتى قالالارىنىڭ (11،1%) تۇرعىندارى پايدالانعان. بيۋدجەتتەن مۇنداي قىزمەتتىڭ 75،7%-ى تولەنگەن. الدىڭعى جىلى 76،3%-ى تولەنگەن ەدى.

مۇنداي قىزمەتتەر ۇلەسى 2016 جىلى 23،5%-دان 2017 جىلى 24،1%-عا دەيىن ٴوستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي