BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا 2،3 ملرد تەڭگەگە يپوتەكالىق قارىزدار قارجىلاندىرىلدى

2018 جىلعى 1 شىلدەدە بانكتەر ۆاليۋتالىق يپوتەكالىق قارىزداردى قايتا قارجىلاندىرۋ ٴۇشىن 5 ملرد تەڭگە سوماعا 802 ٴوتىنىمدى ماقۇلدادى، دەپ حابارلايدى baq.kz ٴتىلشىسى ۇلتتىق بانككە سىلتەمە جاساپ.

الايدا تەك 2،3 ملرد تەڭگە سوماعا 462 قارىز قايتا قارجىلاندىرىلدى.

ەستەرىڭىزگە سالا كەتەيىك، 2016 جىلعى 28 شىلدەدە قرۇب الماتى قالاسىنىڭ اكىمدىگىمەن بىرگە ٴبىرقاتار بانكتەرمەن پروبلەمالىق قارىز الۋشىلاردى جالعىز باسپاناسىنان شىعارۋدى 1 جىلعا توقتاتا تۇرۋعا باعىتتالعان ٴوزارا تۇسىنىستىك جانە ىنتىماقتاستىق تۋرالى مەموراندۋمعا قول قويعان بولاتىن.

بۇگىندە اتالعان شارالار قارىز الۋشىلاردىڭ كوپشىلىگىن باعدارلاماعا تارتۋعا جانە بانكتەردىڭ پروبلەمالىق قارىز الۋشىلاردى باسپاناسىنان شىعارۋدى ٴىس جۇزىندە توقتاتا تۇرۋعا مۇمكىندىك بەردى.

2018 جىلعى 1 شىلدەدەگى جاعداي بويىنشا بانكتەر 152،5 ملرد تەڭگە سوماعا قايتا قارجىلاندىرۋعا ارنالعان 24 421 ٴوتىنىمدى ماقۇلدادى، 126،3 ملرد تەڭگە سوماعا 22 009 قارىز قايتا قارجىلاندىرىلدى.

قاراجاتتى يگەرۋدىڭ رەۆولۆەرلىك تەتىگىن ەسكەرە وتىرىپ باعدارلامادا 2026 جىلعا دەيىن 40 000 جۋىق قارىزداردى قامتۋ كوزدەلگەن.

«پروبلەمالىق كرەديتتەر قورى» اق-تىڭ سالىمى بويىنشا سىياقىنىڭ ەسەبىنەن بانكتەرگە ٴحاوت قارىز الۋشىلارىنىڭ 215 ملن تەڭگە مەملەكەتتىك باج سوماسى بويىنشا بەرەشەگى، سونداي-اق پروبلەمالىق ۆاليۋتالىق قارىزدار بويىنشا 7،4 ملرد تەڭگە سوماعا باعامدىق ايىرما وتەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي