BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان قور بيرجاسىنىڭ يندەكسى 2016 جىلدان باستاپ 2،5 ەسە ٴوستى – اقىشەۆ

فوتو: Sputnik Казахстан

الماتى، baq.kz. اكسيالار مەن بيرجانىڭ بورىشتىق باعالى قاعازدارىنىڭ نارىعىن كاپيتالدانىرۋ ٴۇش جىلعا تولماعان ۋاقىتتا 25 ترلن تەڭگەگە دەيىن 16%-عا ٴوستى. بۇل تۋرالى دانيار اقىشەۆ قازاقستان قارجىگەرلەرى viii كونگرەسىندە ايتتى.

ونىڭ ايتۋىنشا، قازاقستان قور بيرجاسى بىرەگەي الاڭ بولىپ تابىلادى، وندا باعالى قاعازدار نارىعىنا قاتىسۋشىلار، قارجى قۇرالدارى، اقشا، شەتەل ۆاليۋتاسى جانە دەريۆاتيۆتەر شوعىرلاندىرىلعان.

«قازاقستان ۇلتتىق بانكى رەتتەۋشى رەتىندە ينفراقۇرىلىمدى وڭتايلاندىردى جانە رەتتەۋشى تاسىلدەردى بارىنشا ىرىقتاندىردى. كەلەسى جىلدىڭ باسىنان باستاپ ورتالىق دەپوزيتاريي مەن باعالى قاعازداردىڭ ٴبىرىڭعاي تىركەۋشىسى بىرىگەدى. بىرىكتىرىلگەن ۇيىم ەل اۋقىمىندا بىرەگەي بولماق جانە الەمدە وعان ۇقساسى دا بولماۋى ىقتيمال»، - دەپ ٴتۇسىندىردى د. اقىشەۆ.

ول ەميتەنتتەرگە قاتىستى باقىلاۋ-قاداعالاۋ فۋنكسيالارىنىڭ قىسقارعانىن ايتتى. باعالى قاعازداردى شىعارۋ مەن ورنالاستىرۋ بويىنشا رۇقسات بەرۋ راسىمدەرى وڭتايلاندىرىلدى. ينۆەستيسيانىڭ پايلىق جانە اكسيونەرلىك ينۆەستيسيالىق قورلار سياقتى ۇجىمدىق نىساندارىنىڭ جۇمىس ىستەۋىنە قويىلاتىن تالاپتار بارىنشا ىرىقتاندىرىلدى.

بۇعان قوسا، د. اقىشەۆتىڭ ايتۋى بويىنشا، وڭ ۇردىستەرگە قاراماستان قور نارىعىن بيزنەستى قورلاندىرۋدىڭ ناقتى قۇرالىنا اينالدىرۋ بويىنشا ٴبىرشاما جۇمىس ىستەۋ قاجەت. «ٴبىز ەرتەڭگى بيرجالىق فورۋم شەڭبەرىندەگى بارلىق ماسەلەلەردى تالقىلاۋعا دايىنبىز جانە ەڭ ماڭىزدى دامۋ باعىتتارىن ايقىنداۋعا ۇمىتتەنەمىز»، - دەپ ٴسوزىن قورىتىندىلادى قازاقستان ۇلتتىق بانكىنىڭ باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي