BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ەىدۇ ينۆەستيسيالار كوميتەتىنە قوسىلۋعا دايىندالىپ جاتىر

بيىل ٴناۋرىز-ساۋىر ايلارىندا قازاقستاننىڭ ەىدۇ ينۆەستيسيالار كوميتەتىنە قوسىلۋى بويىنشا جۇمىستار اياقتالادى. بۇل تۋرالى ۇكىمەتتەگى ٴباسپاسوز كونفەرەنسياسى بارىسىندا قر يدم ينۆەستيسيالار كوميتەتىنىڭ ٴتوراعاسى ساپاربەك تۇياقبايەۆ مالىمدەدى، دەپ حابارلايدى primeminister.kz.

ونىڭ ايتۋىنشا، 2011 جىلدان باستاپ قر ۇكىمەتى ەىدۇ-مەن بىرلەسىپ ەلدەگى ينۆەستيسيالىق احۋالدى جاقسارتۋعا قاتىستى اۋقىمدى جۇمىستار اتقارعان. كوپتەگەن زاڭعا وزگەرىستەر ەنگىزىلگەن، ينۆەستورلارعا ارنالعان جۇمىس جەڭىلدەتىلگەن. سونداي-اق، 55 ەلدىڭ ينۆەستورلارى قازاقستانعا ۆيزاسىز كەلە الادى.

اتقارىلعان ەڭبەك doing ۆusiness رەيتينگىسىندەگى قازاقستان پوزيسياسىن ەداۋىر جاقسارتتى.

«ينۆەستيسيالار جونىندەگى كوميتەتتىڭ قۇرامىنا كىرۋ – قازاقستاننىڭ ينۆەستيسيالىق احۋالىنىڭ اتالعان ۇيىمنىڭ تالاپتارىنا سايكەس كەلۋىنىڭ كورسەتكىشى»، - دەدى س.تۇياقبايەۆ.

ول سونداي-اق، قازاقستاننىڭ ەىدۇ ينۆەستيسيالار كوميتەتىنىڭ مۇشەلىگىندە بولۋى ەلىمىزگە ەىدۇ-عا مۇشە مەملەكەتتەردىڭ الدىڭعى قاتارلى ستاندارتتارىن دايەكتى تۇردە ەنگىزۋگە مۇمكىندىك بەرەتىنىن، سونىمەن قاتار ەلدىڭ ينۆەستيسيالىق مۇمكىندىكتەرىنە جانە رەيتينگىسىنە وڭ اسەرىن تيگىزەتىنىن ايتىپ ٴوتتى. بۇل ىسكەرلىك ورتانىڭ، باسەكەلەستىكتىڭ جانە ينۆەستورلاردىڭ قۇقىقتارىن قورعاۋدىڭ جوعارعى دەڭگەيىنىڭ كورسەتكىشى بولىپ تابىلادى. كوپتەگەن ينۆەستورلار ٴۇشىن ەىدۇ ينۆەستيسيالار كوميتەتىنىڭ مويىنداۋى ٴارى قارايعى ىنتىماقتاستىق ٴۇشىن ەلدى تاڭداۋ كەزىندە شەشۋشى كورسەتكىش بولىپ تابىلادى.

ەسكە سالا كەتەيىك، بىرلەسكەن جۇمىستاردىڭ قورىتىندىسى بويىنشا 2016 جىلعى قازان ايىندا ەىدۇ ينۆەستيسيالار كوميتەتى قازاقستاندى وسى ۇيىمنىڭ قاتىسۋشىسى رەتىندە شاقىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي