BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان بلوكچەينگە ٴوتۋ ارقىلى 4 ملرد دوللار ۇنەمدەيدى – ساراپشى

قازاقستان قارجى جۇيەسىن بلوكچەين بازاسىنا كوشىرۋ ارقىلى 3-4 ملرد دوللارعا دەيىن ۇنەمدەي الادى. وسىلاي دەپ مالىمدەدى قازاقستانداعى zion.city جوباسىنىڭ ارحيتەكتورى روبەرت ورلاندو بەكاريا، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

ول، الدىمەن، مەملەكەتتەگى قارجى اينالىمىنىڭ بىرنەشە ملرد دوللاردى قۇرايتىنىن ٴسوز قىلدى. سپيكەردىڭ ايتۋىنشا، وسى اقشانىڭ 3-4 ملرد دوللارى تەك ەميسسيا مەن كارتوچكا قىزمەتىنە كەتەدى.

«ٴتىپتى، مەملەكەت بيلىگى كورشى قىتايدان ميلليارد كولەمىندە نەسيە السا، اقشا اۋدارىمى ٴۇشىن 3-4 ملن دوللار كوميسسيا تولەيدى. قارجى جۇيەسىن بلوكچەينگە اۋىستىرساق، ترانزاكسيا جاساعان كەزدە اۋديتورلار مەن دەلدالدار قاجەتى بولمايدى. ناتيجەسىندە ەشكىمگە ارتىق اقشا تولەمەيسىز. ياعني كەلەسىدە قازاقستان بلوكچەينگە اۋىسقان سوڭ نەسيە السا، كورسەتىلگەن قىزمەت ٴۇشىن تەك 10 دوللار تولەۋى مۇمكىن»، - دەيدى اڭگىمەلەسۋشى.

ساراپشى قازىرگى تاڭدا ترانزاكسيا ٴۇشىن نەگىزىنەن visa جانە mastercard سياقتى جۇيەلەردىڭ اقشا الاتىنىن ايتىپ ٴوتتى.

«ولاردىڭ بارلىعى امەريكالىق فرسج مەن new york بانكىنە تاۋەلدى. بلوكچەين ارقىلى قازاقستاندىق بانكتەر اتالعان جۇيەلەردىڭ قىزمەتىن وزدەرى ورىنداپ، visa مىندەتىن وزدەرىنە جۇكتەي الادى. ناتيجەسىندە قازاقستاندىق بانكتەر جەڭىسكە جەتەدى. ال امەريكالىق بانكتەر جاڭا بىرنارسە ويلاپ تابۋعا ٴماجبۇر بولادى»، - دەيدى بەكاريا.

سپيكەر، مۇنىمەن قاتار، قارجى جۇيەسىن بلوكچەينگە اۋىستىرعان سوڭ مەملەكەتتە اقشانىڭ قۇنسىزدانۋى تومەندەپ، اقشا اۋدارىمدارىنىڭ ارزانداي تۇسەتىنىن ايتتى. وسىنىڭ ناتيجەسىندە نەسيە پايىزى دا تومەندەۋى مۇمكىن.

«سينگاپۋر مودەلىنىڭ نەگىزىندە قارجى ورتالىعىن قۇرۋ ٴۇشىن قازاقستانعا $16 ملرد قاجەت بولادى. بلوكچەيندە احقو-نى نەبارى $5-6 ميلليونعا قۇرۋعا بولادى. ياعني بۇل جۇيە بارلىق جاعىنان ۇتىمدى. ونىڭ ۇستىنە الەمدە سيفرلاندىرىلعان زاتتار وتە از. قازاقستان كەز كەلگەن جوبانى سيفرلاندىرىپ، ونى شەتەلدە ساتا الادى. شىن مانىندە، بلوكچەين جۇيەسى ەندى عانا دامىپ كەلەدى. قازاقستان مۇنى ۇتىمدى تۇردە پايدالانىپ العانى ٴجون»، - دەيدى اڭگىمەلەسۋشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي