BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەرلەر پالاتاسى ەكسپورتقا ارنالعان 3 مىڭعا جۋىق سەرتيفيكات بەردى

الماتى وبلىسى كاسىپكەرلەر پالاتاسى ەكسپورتقا ارنالعان 3 مىڭعا جۋىق سەرتيفيكات بەردى. بۇل تۋرالى سەرتيفيكاتتاۋ جونىندەگى مامان بيبىگۇل وماروۆا حابارلادى. 2015 جىلدىڭ ناۋرىزىنان 2016 جىلدىڭ مامىرىنا دەيىن ەكسپورتقا تاۋارلاردىڭ شىعۋ تەگى تۋرالى 2739 سەرتيفيكات بەرىلدى. ٴونىم الەمنىڭ 20 ەلىنە، ونىڭ ىشىندە كەدەن وداعىنىڭ، ەۋروپا وداعىنىڭ، ازيا ەلدەرىنە ەكسپورتقا شىعارىلدى.

«كوبىنەسە، گيپسوكارتون تاباقتارى، قۇرعاق قۇرىلىس قوسپالارى، بەتون مەن ەرىتىندىلەرگە قوسپالار، ٴمارمار ۇن، پوليۆينيلحلوريدتەن جاسالعان بەيىندى بۇيىمدار، سۋ-ديسپەرسيالىق بوياۋلار، قاعاز، كارتون، گوفرلەۋگە ارنالعان جاشىكتەر، پوليولەفين قاقپاقتار، سونىمەن قاتار بالا گيگيەناسى قۇرالدارى، دارىلىك زاتتار، ۇن-جارما ونەركاسىبى ونىمدەرى، قىشقىل- ٴسۇت ونىمدەرى، الكوگولسىز، شىرىندى سۋسىندار جانە نارلەر»،– دەپ اتاپ ٴوتتى مامان.

ەسكە سالا كەتەيىك، 2014 جىلدىڭ 12 شىلدەسىندەگى «قازاقستان رەسپۋبليكاسى كاسىپكەرلەرىنىڭ ۇلتتىق پالاتاسى تۋرالى» زاڭعا سايكەس «اتامەكەن» تاۋاردىڭ شىعۋ تەگى تۋرالى سەرتتيفيكاتتاردى راسىمدەۋ جانە كۋالاندىرۋ بويىنشا مىندەتتى ىس-قىزمەت اياسىنا كىرىستى. الماتى وبلىسى كاسىپكەرلەر پالاتاسى سەرتيفيكاتتار بەرۋدى وتكەن جىلدىڭ ناۋرىزىندا باستادى. سودان بەرى پالاتاعا ست-kz سەرتيفيكاتىن راسىمدەۋ جونىندە 1448 ٴوتىنىم كەلىپ تۇسكەن، ولاردىڭ 1420-سى (97،4%) راسىمدەلدى، ٴ28-ى (2،6%) نەگىزدى سەبەپتەرمەن قايتارىلدى.

تەرىس نيەتتى تاۋار وندىرۋشىلەردى انىقتاۋ جونىندە دە جۇمىس جۇرگىزىلگەنىن اتاپ ٴوتۋ قاجەت. «ۇكپ ساراپتاۋ كوميسسياسى قورىتىندىسى نەگىزىندە ىشكى اۋديت ناتيجەلەرى بويىنشا 2 سەرتيفيكات جويىلدى، 5 سەرتيفيكات ەرىكتى تۇردە كۇشىن جويدى»، – دەپ حابارلادى جاننا ماراتوۆا.

سونىمەن قاتار وكپ قىزمەتكەرلەرى ايماقتاعى بازارلار مەن ساۋدا ۇيلەرىن ٴتولقۇجاتتاندىرۋدى جۇرگىزۋدە. قازىرگى ۋاقىتتا وبلىس اۋماعىندا 77 ساۋدا ورنى جۇمىس جاساپ تۇر.

وكپ ساۋدا قاتىناستارىن رەتتەۋ ٴۇشىن «شاعان» بازارىندا بولعان ٴورت كەزىندە جاپا شەگۋشىلەرگە جاردەم كورسەتتى. جۇرگىزىلگەن كەلىسسوزدەر ارقاسىندا بازار اكىمشىلىگى ۇسىنىلعان ورىندارعا اقى تولەۋ بويىنشا جالداۋ اقىسىن تومەندەتتى. سونىمەن بىرگە ۇيعىر، پانفيلوۆ اۋداندارىندا جۇگەرى ساتۋدا اۋىل شارۋاشىلىعى تاۋارىن وندىرۋشىلەردىڭ ماسەلەسى شەشىلدى.

اقسۋ اۋدانى كاسىپكەرلەرىنىڭ ٴوتىنىشى بويىنشا بيزنەس-جوسپار، اينالىم قۇرالدارىن تولىقتىرۋ جانە دۇكەندى كەڭەيتۋگە نەسيە الۋ ماقساتىمەن بانككە قولداۋ جاسالدى. قازىرگى ۋاقىتتا تالدىقورعان قالاسىندا 3000 شارشى مەتر ساۋدا ورتالىعىن سالۋعا بيزنەس- جوسپار ازىرلەنۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي