قارجى مينيسترلىگى بلوكچەين تەحنولوگياسىن ىسكە قوسادى - قارجى|05 ماۋسىم 2018، 15:45
كۋرسى ۆاليۋت وبنوۆليايۋتسيا
استانا:

قارجى مينيسترلىگى بلوكچەين تەحنولوگياسىن ىسكە قوسادى

2018 جىلدىڭ تامىز ايىندا سالىقتىق اكىمشىلىكتەندىرۋدى سيفرلاندىرۋ ماقساتىندا بلوكچەين تەحنولوگياسىن قولدانا وتىرىپ، سالىقتىڭ ٴتۇسۋ ايقىندىعىن قامتاماسىز ەتەتىن جوبانىڭ تۇساۋكەسەرىن وتكىزەمىز. بۇل تۋرالى ٴماجىلىستىڭ جالپى وتىرىسىندا قر قارجى ٴمينيسترى باقىت سۇلتانوۆ مالىمدەدى، دەپ حابارلايدى baq.kz ٴتىلشىسى.

الدىمەن مينيستر بيۋدجەتتىڭ كىرىستەرىن ٴارى قاراي نىعايتۋ ٴۇشىن 2017 جىلى ۇكىمەتتە ٴتيىستى جوسپار قابىلداعانىن العا تارتتى.

«ونى ىسكە اسىرۋدىڭ ناتيجەسىندە وتكەن جىلى جىو-گە شاققانداعى سالىقتىق تۇسىمدەردىڭ تومەندەۋ ترەندى كۇرت وزگەرىپ، جوسپارداعى 15،8%ٴ-تىڭ ورنىنا 1%-تىك پۋنكتكە جوعارى ورىندالدى. سالىق، كەدەن سالالارىندا اكىمشىلەندىرۋدى جاقسارتۋدا ٴبىراز جۇمىستار اتقارىلۋدا. ماسەلەن كەدەن سالاسىندا يمپورت وپەراسيالاردىڭ ۋاقىتىن قىسقارتۋ ٴۇشىن «استانا-1» جانە پيلوتتىق رەجيمدە تاۋارلاردى تاڭبالايتىن اقپاراتتىق جۇيەلەرى ىسكە قوسىلدى»، - دەدى باقىت سۇلتانوۆ.

وسى ورايدا ول قوسىمشا قۇن سالىعىن جيناۋ جانە اتالعان سالىقتى اكىمشىلەندىرۋ ماقساتىندا 2014 جىلدىڭ ٴبىرىنشى شىلدەسىنەن باستاپ، ەلەكتروندى شوتفاكتۋرا جۇيەسى ىسكە قوسىلعانىن اتاپ ٴوتتى.

«اعىمداعى جىلدىڭ ٴبىرىنشى قاڭتارىنان باستاپ، وسى جۇيە ارقىلى مونيتورينگكە جاتاتىن 300 ٴىرى سالىق تولەۋشىلەر شوتفاكتۋرالارىن ەلەكتروندى تۇردە جازۋعا مىندەتتى. بۇل جۇيە سالىق ورگاندارى ٴۇشىن قوسىمشا قۇن سالىعىن قايتارۋ كەزىندە باقىلاۋ پروسەدۋرالارىن وڭتايلاندىرۋعا مۇمكىندىك بەرەدى»، - دەدى ول.

سونىمەن قاتار قارجى ٴمينيسترى تامىز ايىندا بلوكچەين تەحنولوگياسىن قولدانىپ، سالىقتىڭ ٴتۇسۋ ايقىندىعىن قامتاماسىز جوبانى قولعا الاتىنىن جەتكىزدى.

«وسى جىلدىڭ تامىز ايىندا بلوكچەين تەحنولوگياسىن قولدانا وتىرىپ، قوسىمشا قۇن سالىعىنىڭ ورىندالۋ ايقىندىعىن قامتاماسىز ەتەتىن جوبانىڭ تۇساۋكەسەرىن وتكىزگەلى وتىرمىز. جوبانىڭ ٴمانى سالىق تولەۋشىلەردىڭ قارجىلىق-ترانزاكسيالارىن ونلاين تۇردە قاداعالاپ، ولارعا سالىقتى ۋاقىتىندا قايتارۋ»، - دەپ تۇيىندەدى ٴسوزىن باقىت سۇلانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي