BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قارىزدى قانداي ادامدار كوبىرەك الاتىنى بەلگىلى بولدى

فوتو: Табыскер

نەكەدەگى قازاقستاندىقتار باسقالارىنا قاراعاندا ونلاين-قارىزدارعا ٴجيى جۇگىنەدى، دەپ حابارلايدى baq.kz.

«روبوت زايمەر» اناليتيكالىق ورتالىعىنىڭ جۇرگىزگەن زەرتتەۋىنە سايكەس وتباسىلى ادامدار بويداقتارعا قاراعاندا قارىزداردى 7،7%-عا ٴجيى راسىمدەيتىنى بەلگىلى بولعان.

2016 جىلدىڭ قاڭتارىنان باستاپ 2017 جىلدىڭ ساۋىرىنە دەيىنگى كەزەڭدە وتباسىلىق جاعدايىن كورسەتكەن قارىز الۋشىلاردىڭ 37 383 ساۋالنامالارىنا تالداۋ جاسالدى. 2017 جىلدىڭ دەرەكتەرى بويىنشا كليەنتتەردىڭ 51،4%-ى – رەسمي نەكەدەگى تۇلعالار. 2016 جىلى – ۇيلەنگەن جانە تۇرمىس قۇرعان قارىز الۋشىلار 48،5% كورسەتكىشپەن ازىراق بەلسەندىلىك تانىتتى.

2017 جىلى بويداقتاردىڭ ۇلەسى 39،8%-دى قۇرادى، بۇل وتكەن جىلمەن سالىستىرعاندا 3،7%-عا ارتىق.

سونداي-اق، نەكەدەگى تۇلعالار مەن بويداقتاردان باسقا ٴوزىنىڭ وتباسىلىق مارتەبەسىن “ازاماتتىق نەكە”، “اجىراسقان” جانە “تۇل ەر ادام/جەسىر ايەل” رەتىندە كورسەتكەن ٴبىرقاتار قارىز الۋشىلار بار. زەرتتەۋگە سايكەس، نەكەدەگى كليەنتتەر مەن بويداقتاردان كەيىن جالپى ستاتيستيكادا “اجىراسقان” قارىز الۋشىلار ورىن الادى – كليەنتتەر بازاسىندا 6،6%-دى قۇرايدى. بويداقتار مەن اجىراسقان تۇلعالار اراسىندا بەلسەندىلىكتە ۇلكەن ايىرماشىلىق بايقالادى: اجىراسقان قارىز الۋشىلار بۇرىن نەكە قۇرماعان تۇلعالارعا قاراعاندا جالاقىعا دەيىن قارىزداردى 6 ەسەگە سيرەك راسىمدەگەن.

سونىمەن قاتار، ونلاين-نەسيە بەرۋ سەرۆيسىنە 1،55%-دى قۇرايتىن “تۇل ەر ادام/جەسىر ايەل” وتباسىلىق مارتەبەسىندەگى تۇلعالار مەن 0،65%-دى قۇرايتىن ازاماتتىق نەكەدەگى تۇلعالار بارىنەن دە سيرەك جۇگىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي