BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يپوتەكالىق قارىزداردى قارجىلاندىرۋ بويىنشا وتىنىشتەر قابىلداۋ مەرزىمى اياقتالۋدا

فوتو: ашық дереккөзден

استانا، baq.kz. قيك ارقىلى يپوتەكالىق قارىزداردى قايتا قارجىلاندىرۋعا قۇجاتتار قابىلداۋدىڭ اياقتالۋىنا دەيىن ەكى ايدان از ۋاقىت قالدى.

«قازاقستان يپوتەكالىق كومپانياسى» يۇ» اق حابارلاۋىنشا، قازاقستاندىقتارعا قر ۇلتتىق بانكىنىڭ يپوتەكالىق تۇرعىن ٴۇي / يپوتەكالىق قارىزداردى قايتا قارجىلاندىرۋ باعدارلاماسى بويىنشا ۆاليۋتالىق قارىز الۋشىلاردان وتىنىشتەردى 2018 جىلعى 15 جەلتوقسانعا دەيىن قابىلدايدى.

تەڭگەدە بەرىلگەن قارىزدار بويىنشا وتىنىشتەر 2019 جىلعى ساۋىرگە دەيىن قابىلدانادى.

«بۇگىندە كومپانيانىڭ يپوتەكالىق پورتفەلىندەگى شەتەلدىك ۆاليۋتاداعى نەسيەنىڭ 70% قايتا قارجىلاندىرۋعا ماقۇلداندى جانە ولاردىڭ 48%-ى قايتا قارجىلاندىرىلدى. وسى باعدارلاماعا سايكەس قازاقستان ازاماتتارى 2004-2009 جىلدارى العان يپوتەكالىق قارىزدارى بويىنشا تولەمدەردى نەمەسە 2016 جىلعا دەيىن العان شەتەل ۆاليۋتاسىنداعى يپوتەكالىق قارىزداردى تومەندەتە الادى. قايتا قارجىلاندىرۋعا حالىقتىڭ الەۋمەتتىك وسال توپتارىنا (ٴحاوت) جاتاتىن قارىز الۋشىلار، 2015 جىلدىڭ 1 قاڭتارىنا دەيىن 90 كۇننەن استام مەرزىمى وتكەن بەرەشەگى بار قارىز الۋشىلار، سونداي-اق شەتەل ۆاليۋتاسىندا يپوتەكا العان قارىز الۋشىلار ٴوتىنىم بەرە الادى»، - دەلىنگەن حابارلامادا.

ايتا كەتەيىك، شەتەل ۆاليۋتاسىندا بەرىلگەن يپوتەكالىق قارىزداردى ەركىن ايىرباستاۋ باعامى 188،35 تەڭگە. ٴحاوت جاتاتىن ازاماتتار ٴۇشىن قارىزداردى اقش دوللارىنان تەڭگەگە ايىرباستاعاننان باسقا، قايتا قارجىلاندىرۋدان كەيىن پايىزدىق مولشەرلەمە جىلىنا 3%-عا دەيىن تومەندەيدى.

جالپى، «قازاقستان يپوتەكالىق كومپانياسى» يۇ» اق يپوتەكالىق تۇرعىن ٴۇي / يپوتەكالىق قارىزداردى قايتا قارجىلاندىرۋعا تەك كومپانيانىڭ نەسيە پورتفەلىندە قارىزدارى بار كليەنتتەردەن وتىنىشتەر قابىلدادى.

قر ۇلتتىق بانكىنىڭ قايتا قارجىلاندىرۋ باعدارلاماسىن جۇزەگە اسىرۋعا سونداي-اق ٴبىرقاتار قازاقستاندىق ەكىنشى دەڭگەيلى بانكتەر قاتىسۋدا.

تەڭگەدەگى جانە شەتەل ۆاليۋتاسىنداعى يپوتەكالىق تۇرعىن ٴۇي / يپوتەكالىق قارىزداردى قايتا قارجىلاندىرۋ باعدارلاماسى تالاپتارىمەن «قيك» يۇ» اق نەمەسە 8 800 080 44 48 جەدەل جەلى تەلەفوندارى بويىنشا تولىعىراق تانىسۋلارىڭىزعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي