ۇلتتىق بانك «ەكسيمبانك قازاقستان» ليسەنزياسىن توقتاتتى - قارجى|29 مامىر 2018، 17:45
كۋرسى ۆاليۋت وبنوۆليايۋتسيا
استانا:

ۇلتتىق بانك «ەكسيمبانك قازاقستان» ليسەنزياسىن توقتاتتى

قازاقستان رەسپۋبليكاسى ۇلتتىق بانكى باسقارماسىنىڭ 2018 جىلعى 28 مامىرداعى №91 قاۋلىسىمەن 2018 جىلعى 29 مامىردان باستاپ «ەكسيمبانك قازاقستان» اق-تىڭ جەكە تۇلعالاردىڭ دەپوزيتتەرىن قابىلداۋعا، جەكە تۇلعالاردىڭ بانك شوتتارىن اشۋعا ارنالعان ليسەنزياسىنىڭ قولدانىلۋى قوسا العاندا 2018 جىلعى 29 تامىزعا دەيىنگى مەرزىمگە توقتاتىلا تۇردى، دەپ حابارلايدى baq.kz اقپارات اگەنتتىگى.

بۇل شەشىمدى ۇلتتىق بانك «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 48-بابى 1-تارماعىنىڭ گ) جانە ز) تارماقشالارىندا كوزدەلگەن نەگىزدەر بويىنشا پرۋدەنسيالىق نورماتيۆتەر مەن نورماتيۆتىك قۇقىقتىق اكتىلەردى جۇيەلى (قاتارىنان كۇنتiزبەلiك ون ەكi اي iشiندە ٴۇش جانە ودان دا كوپ رەت) بۇزعانى ٴۇشىن بانكتىڭ بانك زاڭناماسىنىڭ تالاپتارىن جەكەلەگەن بۇزۋشىلىقتارعا قاداعالاپ دەن قويۋ شەڭبەرىندە قابىلدادى.

ليسەنزيا جەكە تۇلعالاردىڭ جاڭا دەپوزيتتەرىن تارتۋعا جانە جاڭا بانك شوتتارىن اشۋعا توقتاتىلا تۇردى جانە بانكتىڭ قولدانىستاعى دەپوزيتتەرىنە جانە كليەنتتەرىنە قىزمەت كورسەتۋگە قاتىستى ەمەس.

2018 جىلعى 1 مامىرداعى جاعداي بويىنشا بانكتىڭ جەكە تۇلعالاردىڭ قابىلدانعان دەپوزيتتەرىنىڭ كولەمى 267 ملن تەڭگەنى قۇرايدى. بانكتىڭ جەكە تۇلعالارىنىڭ دەپوزيتتىك پورتفەلىنىڭ ۇلەسى بانك جۇيەسىنىڭ جەكە تۇلعالارى دەپوزيتتەرىنىڭ جيىنتىق كولەمىنەن 0،003%-دى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي