BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دوللاردىڭ ٴوسۋى ۋاقىتشا قۇبىلىس – ساراپشى

فوتو: ашық дереккөзден

دەدوللاريزاسيا بولعاندىقتان حالىق بۇرىنعىداي ۇرەيگە بەرىلىپ، الاڭداۋشىلىق ٴبىلدىرىپ جاتقان جوق. بۇل جايىندا ٴال-فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكالىق زەرتتەۋلەر ورتالىعىنىڭ ديرەكتورى، ەكونوميكا عىلىمدارىنىڭ دوكتورى، پروفەسسور سايابەك زيادين baq.kz تىلشىسىمەن سۇحباتتاسۋ بارىسىندا ايتتى.

ساراپشى تەڭگەنىڭ قۇلدىراۋىنا قانداي فاكتورلار اسەر ەتەتىنىنە توقتالىپ ٴوتتى.

«ازىرگە ازىق-تۇلىكتىڭ باعاسى قىمباتتاماعان.تەڭگەنىڭ قۇلدىراۋىنا ەكى فاكتور اسەر ەتەدى، ولار ىشكى جانە سىرتقى. قازاقستاندىق ەكونوميكاعا ىشكى فاكتورعا قاراعاندا سىرتقى فاكتور قاتتى اسەر ەتەدى، اتاپ ايتساق مۇناي مەن گازدىڭ باررەلگە قاتىستى دوللار باعاسىنىڭ وزگەرۋى. تاعى ٴبىر فاكتور الەمدىك ارەناداعى ساياسي-ەكونوميكالىق جاعدايدىڭ تۇراقسىزدىعى دا اسەر ەتۋدە»،- دەيدى ول.

ونىڭ ايتۋىنشا، سوڭعى كەزدەگى دوللار كۋرسىنىڭ كوتەرىلۋى حالىققا قاتتى اسەر ەتىپ جاتقان جوق. كوپشىلىك ٴقازىر دوللاردى پايدالانبايدى، سوندىقتان ولار اسا سەزىنىپ جاتقان جوق.

«دەدوللاريزاسيا بولعاندىقتان حالىق بۇرىنعىداي ۇرەيگە بەرىلىپ، الاڭداۋشىلىق ٴبىلدىرىپ جاتقان جوق. ەستەرىڭىزدە بولسا العاشقى تولقىندا دوللار وسە سالىسىمەن دۇكەندەگى تاۋاردىڭ باعاسى دا بىردەن كوتەرىلگەن ەدى. كەشە ٴوزىم دۇكەندى ارالاپ كوردىم، ەشتەڭە وزگەرمەگەن. بەنزين باعاسى ورنىندا، نان، داپتەر باعاسى دا كوتەرىلمەگەن. بىلتىر وسى ۋاقىتتا دوللار 345 تەڭگەگە دەيىن كوتەرىلگەن. سوندىقتان بۇل وتپەلى كەزەڭ، قىسقا قاراي 340 تەڭگەنىڭ دەڭگەيىنە قايتىپ كەلەدى»، -دەيدى ول.

ساراپشى دوللار كۋرسىنىڭ ٴوسۋىن جەمىس-جيدەكتىڭ ٴپىسىپ، ساۋدا-ساتتىقتىڭ قىزا ٴتۇسۋىنىڭ دە اسەرى بار دەيدى.

«ٴقازىر جەمىس-جيدەكتىڭ ٴپىسىپ جاتقان كەزى، ساۋدا-ساتتىق قىزىپ تۇر. سوندىقتان وسىنداي دەڭگەيگە جەتىپ وتىر. الايدا ٴبىزدىڭ تاۋاردىڭ ەكسپورتى ٴۇشىن دوللاردىڭ وسى كۋرسى ٴتيىمدى، ٴبىراقتا ونىڭ كەلەسى جاعى يمپورت كەزىندە حالىققا قىمباتتالعان زات كەلۋى مۇمكىن»، دەدى- س. زيادين.

ٴسوز اراسىندا ول تۋريزم سالاسىن زەرتتەيتىندىگىن، دوللاردىڭ ٴوسۋى سىرتقا شىعاتىن ازاماتتار ٴۇشىن قولايسىزدىق تۋدىراتىندىعىن ايتىپ ٴوتتى.

«اسىرەسە، سىرتقا دەمالۋعا باراتىن قاراپايىم حالىق ٴۇشىن وڭايعا سوقپايدى. ٴقازىر ۇشاق بيلەتتەرى ٴوسىپ جاتقان جوق، دەگەنىمەن وتانداستارىمىز شەتەلدە دوللاردى پايدالاناتىنى بەلگىلى. وسى تۇستا ولاردىڭ بۇرىننان جيناپ جۇرگەن قارجىسى ماردىمسىزداۋ بولىپ قالادى. ماسەلەن، بيلەتتى الدىن الا برونداعاندار ٴۇشىن دە قولايسىزدىق تۋدىرىپ تۇر. ويتكەنى ولار ۇستىنە تاعى اقشا قوسىپ تولەيدى. ال، شەتەلدە فيرماسى بار، جۇمىسى بار جانە ۇنەمى شىعىپ جۇرگەندەر بۇل جاعدايدى اسا سەزە قويمايدى. ولار تىپتەن تەڭگەنى قولدانبايدى دا»، -دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي