اقىشەۆ ەكونوميكانى كرەديتتەۋ پروبلەمالارىن شەشەتىن شارالار تۋرالى ايتىپ بەردى - قارجى|05 مامىر 2018، 11:51
كۋرسى ۆاليۋت وبنوۆليايۋتسيا
استانا:

اقىشەۆ ەكونوميكانى كرەديتتەۋ پروبلەمالارىن شەشەتىن شارالار تۋرالى ايتىپ بەردى

بانكتەردىڭ ەكونوميكانى كرەديتتەۋىنىڭ اعىمداعى پروبلەمالارىن شەشۋ ٴۇشىن ٴبىرقاتار شارالار قابىلداۋ جوسپارلانۋدا. ولار جيناق سالىمدارىن ەنگىزۋ ارقىلى بانكتەردى قورلاندىرۋ بازاسىن كۇشەيتۋدى، بانكتەردىڭ وبليگاسيالىق باعدارلامالاسىن جاڭارتۋدى، سونداي-اق قدكق-نىڭ شەكتى مولشەرلەمەلەرىن دەپوزيتتەردىڭ مەرزىمدەرىنە قاراي بەلگىلەۋدى پايىمدايدى. بۇل تۋرالى بۇگىن قازاقستان ۇلتتىق بانكىنىڭ ٴتوراعاسى دانيار اقىشەۆ استانا ق. قر پارلامەنتى سەناتىنداعى پارلامەنتتىك تىڭدالىمدا ٴسوز سويلەگەن كەزدە ايتتى، دەپ حابارلايدى baq.kz اقپارات اگەنتتىگى.

د. اقىشەۆ جيناق سالىمدارىن ەنگىزۋ جوعارىلاتىلعان سىياقى مولشەرلەمەسىن جانە جوعارىلاتىلعان مەملەكەتتىك كەپىلدىكتى كوزدەيتىنىن اتاپ ٴوتتى. مەرزىمىنەن بۇرىن الىپ قويىلعان كەزدە ايىپپۇل ۇستاپ قالۋ جانە 30 كۇننەن ەرتە ەمەس قايتارۋ بولجانادى.

«بانكتەردىڭ وبليگاسيالىق باعدارلاماسى بجزق-نىڭ بانكتەر مەن قازاقستاندىق كورپوراتيۆتىك ەميتەنتتەردىڭ قارجى قۇرالدارىنا 200 ملرد تەڭگەگە دەيىنگى سوماعا ينۆەستيسيالارىن بولجايدى. ۇلتتىق قوردى باسقارۋ جونىندەگى كەڭەس قاجەتتى شەشىمدەردى قابىلدادى. قورلاندىرۋ وبليگاسيالاردى 5 جىلعا دەيىنگى مەرزىممەن ساتىپ الۋ ارقىلى نارىقتىق تالاپتاردا بەرىلەتىن بولادى. شوعىرلاندىرۋ تاۋەكەلىن تومەندەتۋ ماقساتىندا زەينەتاقى اكتيۆتەرى ٴاربىر وبليگاسيالاردىڭ شىعارىلىمى كولەمىنىڭ 50%-دان استامى مولشەرىندە ينۆەستيسيالاناتىن بولادى»، - دەپ اتاپ ٴوتتى ۇلتتىق بانك باسشىسى.

ونىڭ ايتۋى بويىنشا، قدكق-نىڭ شەكتى مولشەرلەمەلەرىن دەپوزيتتەردىڭ مەرزىمدەرىنە قاراي سارالاۋ مەرزىمىنەن بۇرىن الۋ بويىنشا تىكەلەي تىيىم سالۋلاردى ەنگىزبەستەن مەرزىمدىك دەپوزيتتەر نارىعىن دامىتۋدى ىنتالاندىراتىن بولادى. اتالعان شارا ۇزاق مەرزىمدى قورلاندىرۋعا جانە كرەديتتەۋ الەۋەتىن كەڭەيتۋگە مۇمكىندىك بەرەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي