BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دانيار اقىشەۆ: 10 جىل ىشىندە قازاقستاننىڭ سىرتقى قارىزى ازايدى

فوتو: The Qazaq Times

سوڭعى 10 جىل ىشىندە سىرتقى قارىز الۋ مەن بورىشتىق باعالى قاعازداردىڭ ۇلەسى تومەندەدى، ولار ۇزاق مەرزىمدى جانە تيىسىنشە ورنىقتى قورلاندىرۋ رەتىندە قارالادى، دەپ حابارلايدى baq.kz اقپارات اگەنتتىگى.

ولاردى شوعىرلانۋدىڭ تاۋەكەلدەرى جوعارى كۆازيمەملەكەتتىك سەكتور دەپوزيتتەرى، سونداي-اق جەكە تۇلعالاردىڭ جوعارى الۋ تاۋەكەلى بار سالىمدارى اۋىستىرادى. بۇل جونىندە قازاقستان ۇلتتىق بانكىنىڭ ٴتوراعاسى دانيار اقىشەۆ بۇگىن استانا قالاسىندا قر پارلامەنتى سەناتىنداعى پارلامەنتتىك تىڭدالىمدا ٴسوز سويلەگەن كەزدە ايتىپ بەردى.

ول مەرزىمدى دەپوزيتتەر مەرزىمدى قۇرالدارعا شارتتى عانا جاتاتىندىعىن اتاپ ٴوتتى. دەپوزيتتەردى مەرزىمىنەن بۇرىن الۋ مۇمكىندىگى مەرزىمدى دەپوزيتتەردى «تالاپ ەتۋ بويىنشا» سالىمدارمەن تەڭەستىرەدى. بۇل ۇزاق قورلاردىڭ تاپشىلىعىنا اكەلەدى جانە ەكونوميكانى ۇزاق مەرزىمدى كرەديتتەۋ الەۋەتىن شەكتەيدى. ول كرەديت پورتفەلىنىڭ وسۋىنە ورتاشا بانكتەر تاراپىنان ايتارلىقتاي ٴرولى بولاتىنى تۋرالى دا ايتىپ بەردى.

«2014-2017 جىلدارداعى كەزەڭدە ورتاشا بانكتەر ەكونوميكانى كرەديتتەۋى ٴوسۋىنىڭ جارتىسىن قامتاماسىز ەتتى. جەكەلەگەن ورتاشا بانكتەردىڭ نەسيە پورتفەلىنىڭ ٴوسۋى 900 ەسەگە جەتكەن، ال ٴىرى بانكتەردە – 2 ەسە. بۇل رەتتە ورتاشا بانكتەردە كرەديتتەۋدىڭ ٴوسۋى مەملەكەت اقشاسىمەن قامتاماسىز ەتىلگەن بولاتىن. ماسەلەن، ورتاشا بانكتەردىڭ مىندەتتەمەسى قۇرىلىمىندا مەملەكەت اقشاسىنىڭ ۇلەسى 50%-دان استام قۇرايدى»، - دەپ اقپارات بەردى د. اقىشەۆ.

ونىڭ ايتۋىنشا، ستاتيستيكا جاعىنان ورتاشا بانكتەر كرەديتتەردىڭ وسۋىنە ايتارلىقتاي ۇلەس ەنگىزگەنىنە قاراماستان، بۇل بانكتەردىڭ ەكونوميكاداعى ٴرولى ٴىس جۇزىندە نولگە تەڭ بولىپ تۇر.

«ورتاشا بانكتەر اكسيونەرلەرمەن بايلانىستى تۇلعالارعا ماتەريالدىق ەمەس كەپىلگە بەلسەندى تۇردە كرەديت بەرە وتىرىپ جەتكىلىكتى تۇردە ىرىقتاندىرۋ كرەديت ساياساتىن جۇرگىزگەن. وسىنداي كرەديت ساياساتىنىڭ سالدارىنان ورتاشا بانكتەر قيىن قارجىلاي جاعدايعا تاپ بولدى. ناشار كرەديتتەردىڭ ورتاشا ۇلەسى 70%-دى قۇراپ وتىر»، - دەپ قورىتىندىلادى د.اقىشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي