BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بجزق جيناق كولەمى 7،78 ترلن تەڭگەنى قۇرادى

فوتو: Baribar.kz

قوردىڭ زەينەتاقى اكتيۆتەرىنىڭ كىرىسى شامامەن 8%-دى قۇرايدى. بجزق 2018 جىلدىڭ 1 قاڭتارىنان باستاپ نەگىزگى كورسەتكىشتەرگە قىسقاشا شولۋ جاسادى، دەپ حابارلايدى baq.kz اقپارات اگەنتتىگى kapital.kz پورتالىنا سىلتەمە جاساپ.

2018 جىلدىڭ باسىندا جيناقتالعان زەينەتاقى قاراجاتىنىڭ جالپى سوماسى ٴبىر جىل ىشىندە 1،1 ترلن تەڭگەگە (+16،4) ارتىپ، 7،78 تريلليون تەڭگەنى قۇرادى. 2017 جىلى زەينەتاقى جارنالارى بويىنشا كىرىستەردىڭ جالپى سوماسى 756،05 ملرد تەڭگە بولدى. زەينەتاقى جارنالارىنىڭ جالپى ٴتۇسىمى 2016 جىلدىڭ قورىتىندىسى بويىنشا 8،3%-عا ٴوستى، بۇل كورسەتكىش 698،42 ملرد تەڭگەگە سايكەس كەلەدى. مىندەتتى زەينەتاقى جارنالارى بويىنشا سالىمنىڭ ورتاشا مولشەرى 15 مىڭ 78 تەڭگە بولدى.

بجزق سالىمشىلارىنىڭ جزش-عا ەسەپتەلگەن تازا ينۆەستيسيالىق كىرىستىڭ كولەمى - 550،6 ملرد تەڭگە. قوردىڭ زەينەتاقى اكتيۆتەرى بويىنشا كىرىسى 7،92%-دى قۇرادى، ينفلياسيا دەڭگەيىندە - 7،1%.

بجزق-دان 2017 جىلعى قاڭتار-جەلتوقسانداعى زەينەتاقى تولەمدەرى 211،12 ملرد تەڭگە، ونىڭ ىشىندە ساقتاندىرۋ ۇيىمدارىنا اۋدارىمدار - 26،06 ملرد تەڭگە. سالىستىرۋ ٴۇشىن - وتكەن جىلدىڭ وسىنداي كەزەڭىندە بجزق-دان 169،69 ملرد تەڭگە، ونىڭ ىشىندە ساقتاندىرۋ ۇيىمدارىنا 22،69 ملرد تەڭگە تولەنگەن. 2017 جىلى ورتاشا ەسەپپەن 1 ​​ادامعا تولەم مولشەرى شامامەن 576،5 مىڭ تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي