BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بجزق قازاقستاندىقتاردىڭ قارجىسىن قايدا ينۆەستيسيالايدى

فوتو: ашық дереккөзден

ٴبىرىڭعاي جيناقتاۋشى زەينەتاقى قورى (بجزق) ٴساۋىردىڭ باسىنداعى ينۆەستيسيالىق پورتفەلىنىڭ جاعدايى تۋرالى ٴبولىستى، دەپ حابارلايدى baq.kz اقپارات اگەنتتىگى.

بجزق ٴباسپاسوز قىزمەتىنىڭ حابارلاۋىنشا، قازىرگى ۋاقىتتا پورتفەلدىڭ نەگىزگى بولىگى «قازاقستان رەسپۋبليكاسىنىڭ مەملەكەتتىك قۇندى قاعازدارىنا» تيەسىلى. ولاردىڭ پايىزدىق ۇلەسى – 44،89% بولدى. ەسەپتى ايدا مەملەكەتتىك قۇندى قاعازداردىڭ اعىمداعى قۇنى 112،03 ملرد تەڭگەگە ارتىپ، 3 580،47 ملرد تەڭگەنى قۇرادى.

ەكىنشى ورىندا «قازاقستان رەسپۋبليكاسىنىڭ ەكىنشى دەڭگەيدەگى بانكتەرىنىڭ وبليگاسيالارى». ولاردىڭ پورتفەلدەگى ۇلەسى – 15،41%. ال اعىمداعى قۇنى – 1 229،20 ملرد تەڭگە. ٴۇشىنشى ورىندا «شەت مەملەكەتتەردىڭ مەملەكەتتىك قۇندى قاعازدارى» دەپ اتالاتىن قارجى قۇرالدارى. ولاردىڭ پورتفەلدەگى ۇلەسى – 13،86% بولسا، اعىمداعى قۇنى 19،15 ملرد تەڭگەگە ارتىپ، 1 105، 56 ملرد تەڭگەنى قۇرادى.

بجزق زەينەتاقى اكتيۆتەرى ەسەبىنەن ساتىپ الىنعان وسى جانە وزگە دە قارجى قۇرالدارى تەڭگەدە (69،42%)، اقش دوللارىندا (30،03%) جانە رەسەي رۋبلىندە (0،45%) بەلگىلەنگەن. ينۆەستيسيالىق پورتفەلدىڭ تولىق قۇرىلىمى بجزق-نىڭ رەسمي سايتىندا قولجەتىمدى.

«2018 جىلدىڭ 1 ساۋىرىنە قاراي زەينەتاقى اكتيۆتەرىنىڭ 73،29 پايىزدان استامى رەيتينگى «ااا» -دان «bbb-»-عا دەيىنگى تاۋەكەلى ەڭ تومەن قارجى قۇرالدارىنا، ال 15،58 پايىزى ۇستامدى دارەجەدەگى تاۋەكەلى بار (رەيتينگى «ۆۆ+» -تەن «ۆ-») قارجى قۇرالدارىنا ورنالاستىرىلدى»، - دەپ اتاپ ٴوتتى بجزق-نىڭ ٴباسپاسوز قىزمەتىنەن.

ەستەرىڭىزگە سالا كەتەيىك، 2018 جىلدىڭ 1 ساۋىرىنە قاراي بجزق قر ۇلتتىق بانكىنىڭ سەنىمگەرلىك باسقارۋىنداعى زەينەتاقى اكتيۆتەرى 7،97 ترلن تەڭگەنى قۇرادى. 2018 جىلدىڭ العاشقى ٴۇش ايى ىشىندە سالىمشىلار مەن الۋشىلاردىڭ زەينەتاقى شوتتارىنا ۇلەستىرىلگەن تازا ينۆەستيسيالىق تابىس 66 ملرد تەڭگەگە جەتتى. بۇل رەتتە قوردىڭ زەينەتاقى اكتيۆتەرىنىڭ تابىستىلىعى 2017 جىلدىڭ ناۋرىزى مەن 2018 جىلدىڭ ناۋرىزى ارالىعىندا 8،00 پايىزدى قۇرادى. ال بۇل كەزەڭدە ينفلياسيا دەڭگەيى 6،6 پايىز بولدى. ياعني، تابىستىلىق ينفلياسيا دەڭگەيىنەن جوعارى دەگەن ٴسوز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي