BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بتا بانك وففشورلىق كومپانياعا 136 ملن-نان استام دوللاردى كەپىلدىكسىز بەرگەن

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قاشقىن بانكير مۇحتار ٴابىلازوۆ پەن ونىڭ سىبايلاستارىنىڭ قىلمىستىق ٴىسى بويىنشا باستى سوت وتىرىسى ودان ٴارى جالعاسۋدا. بۇگىنگى كەزەكتى سوت وتىرىسىندا مەملەكەتتىك ايىپتاۋشىلار «بتا بانكى» اق-نىڭ ميلليونداعان قاراجاتىن جىمقىرۋعا قاتىستى تاعى ٴبىر جاڭا ەپيزودتى جاريا ەتتى، دەپ حابارلايدى baq.kz ٴتىلشىسى.

2006 جىلى بريتان ۆيرگين ارالدارىندا تىركەلگەن مۇحتار ٴابىلازوۆتىڭ باقىلاۋىنداعى «rimos ltd» كومپانياسى ارقىلى «بتا بانكى» اق-نىڭ شوتتارىنان 136 ميلليوننان استام اقش دوللارى ۇرلانعان. بريتان ۆيرگين ارالدارىنداعى كومپانيا بتا بانكتەن 136 ميلليوننان استام اقش دوللارىن ەشقانداي كەپىلدىكسىز العانى ٴمالىم بولدى. بۇل تۋرالى سوت وتىرىسىندا بتا بانكتىڭ وكىلى تالعات امانتاي حابارلادى.

«تىركەلۋ ٴراسىمى جۇزەگە اسىرىلعاننان كەيىن «rimos ltd» كومپانياسى «بتا بانكى» اق-نا 136 ميلليوننان استام اقش دوللارى كولەمىندە بانكىلىك قارىز بەرۋگە ٴوتىنىش جولدايدى. بۇل قاراجاتقا رەسەي فەدەراسياسىنىڭ ماسكەۋ وبلىسىنان جەر ۋچاسكەسىن ساتىپ الۋ، «somerset project inc» كومپانياسىن (تاراتىپ ايتقاندا «chesterland invest corp» كومپانياسىنىڭ 100 پايىز اكسياسىن ساتىپ الۋ جوسپارلانعان) قارجىلاندىرۋ، ينۆەستيسيالىق شىعىنداردىڭ ورنىن تولتىرۋ كوزدەلگەن بولاتىن»،- دەپ اڭگىمەلەدى سوتتا «بتا بانكى» اق-نىڭ وكىلى.

ونىڭ ايتۋىنشا، اتالعان كومپانيانى قارجىلاندىرۋدا ەشقانداي دا مۇلىك كەپىلدىككە قويىلماعان. ەستەرىڭىزدە بولسا، بۇعان دەيىنگى سوت وتىرىستارىنىڭ بىرىندە سوتقا تۇسىنىك بەرگەن بىرنەشە كۋاگەر رەزيدەنت ەمەس كومپانيالاردىڭ قۇجاتتارىنىڭ بارلىعى وسىنداي ماقسات ٴۇشىن ارنايى قۇرىلعان بولىمدە ساقتالىپ كەلگەنىن ايتقان بولاتىن. ول ٴبولىم №6 كورپوراتيۆتىك بيزنەس باسقارماسى دەپ اتالعان. كۋاگەرلەر سوتتا بۇل باسقارمانىڭ جۇمىسىن تىكەلەي مۇحتار ٴابىلازوۆتىڭ ٴوزى باقىلاۋدا ۇستاعانىن راستادى. اتاپ ايتارلىعى، بتا بانك مۇحتار ابىلازوۆكە تيەسىلى وففشورلىق كومپانيالارعا نەسيەلەردى ەشقانداي مۇلىكتىك كەپىلدىكسىز بەرىپ وتىرعان.

بتا بانكتە بەلگىلى ٴبىر بەكىتىلگەن نورمالار، قالىپتاسقان ەرەجەلەر بولعان. الايدا سونداي بەكىتىلگەن نورمالارعا قاراماستان، مۇحتار ٴابىلازوۆ پەن ونىڭ ۇيىمداسقان قىلمىستىق قاۋىمداستىعى «rimos ltd» كومپانياسىنا بتا بانكتەن 136 ميلليوننان استام اقش دوللارىن 2009 جىلدىڭ جەلتوقسان ايىنا دەيىن جىلدىق 14 پايىزدىق سىياقىلىق مولشەرلەمەمەن بەرۋگە شەشىم قابىلدايدى. ايتا كەتەرلىگى، بۇل نەسيە بانككە قايتارىلماعان. سەبەبى مۇنداي نەسيەلەردىڭ بارلىعى قايتارىمسىز نەسيە بولىپ قالا بەرگەن.

«ودان ارىدە مۇحتار ٴابىلازوۆتىڭ تىكەلەي نۇسقاۋىمەن اتالعان قاراجات «rimos ltd» كومپانياسىنىڭ شوتىنا «trasta komercbank» (لاتۆيا – اۆتوردىڭ ەسكەرتۋى) ارقىلى اۋدارىلعان. سونداي-اق، كوپ ۇزاماي وففشورلىق شوتتارعا شىعارىلعان»،- دەپ ٴمالىم ەتتى سوتتا تالعات امانتاي.

«بتا بانكى» اق بىرنەشە ميلليونداعان ۆاليۋتالىق نەسيەنى بەرە وتىرىپ، كەپىلزات ەسەبىندە ماسكەۋ وبلىسىنداعى جەر ۋچاسكەسىن جانە «chesterland invest corp» كومپانياسىنىڭ اكسيالارىن قويۋىنا مۇمكىندىگى بولعان. الايدا مۇنداي ارەكەت جاسالماعان. كەيىنىرەكتە سوت وتىرىسىندا «rimos ltd»، «bexley holding sarl» سياقتى كومپانيالاردىڭ ٴبىر كۇندىك قانا ماقسات ٴۇشىن قۇرىلعانى ٴمالىم بولدى. مۇحتار ٴابىلازوۆ ولاردى زاڭدىق نەگىزدە نەسيە بەرۋ دەگەن جەلەۋمەن اشىپ، بتا بانكتىڭ قاراجاتىن ۇرلاۋمەن اينالىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي