BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىرىڭعاي زەينەتاقى قورىندا قانشا اقشا بار؟

جىل باسىنان بەرى ٴبىرىڭعاي جيناقتاۋشى زەينەتاقى قورىنداعى اقشا 15% ٴوستى، دەپ حابارلايدى baq.kz اقپارات اگەنتتىگى kapital.kz سايتىنا سىلتەمە جاساپ.

2017 جىلدىڭ 1 جەلتوقسانىندا جۇرگىزىلگەن ەسەپكە سايكەس، زەينەتاقى قورىنداعى اقشانىڭ سوماسى 7،67 ترلن ەكەنى بەلگىلى بولدى. جىل باسىنان بەرى بۇل سوما 980 ملرد تەڭگەگە كوبەيگەن. 2016 جىلى اتالعان قورداعى اقشا 14% ارتقان ەدى. بۇل تۋرالى ٴبىرىڭعاي جيناقتاۋشى زەينەتاقى قورى باسقارما ٴتورايىمىنىڭ ورىنباسارى ساۋلە ەگەۋبايەۆا ايتتى.

اكتيۆتەر زەينەتاقى جارنالاردىڭ ارقاسىندا كوبەيگەن. 11 اي ىشىندە قورعا 678،6 ملرد تەڭگە كەلىپ تۇسكەن. بۇل 2016 جىلى 11 ايدا كەلىپ تۇسكەن سومادان 8،6% كوپ. ال 2016 جىلى قاڭتار-قاراشا ايلارىنىڭ ارالىعىندا زەينەتاقى جارناسى 624،7 ملرد تەڭگە بولدى.

مۇنىمەن قاتار، زەينەتاقى قورىنداعى اقشا ينۆەستيسيالىق كىرىستىڭ ارقاسىندا ٴوستى. 2017 جىلى 1 جەلتوقساندا جۇرگىزىلگەن ەسەپكە سايكەس، ينۆەستيسيالىق كىرىس جىل باسىنان بەرى 495،5 ملرد تەڭگەنى قۇرادى. بۇل وتكەن جىلداعى 11 اي كورسەتكىشىنەن 2،3% كوپ.

2017 جىل 1 قاڭتار 30 قاراشا ارالىعىنداعى زەينەتاقى اكتيۆتەرىنىڭ كىرىسى 7،15%-دى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي