BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىر ايدا قازاقستاندىقتار 163 ملرد تەڭگەگە دوللار ساتىپ الدى

فوتو: ашық дереккөзден

تەڭگە-دوللار ۆاليۋتالىق جۇبى بويىنشا وپەراسيالاردىڭ جالپى كولەمى ٴبىر ايدا 12،7%-عا تومەندەدى، دەپ حابارلايدى baq.kz اقپارات اگەنتتىگى.

ۇلتتىق بانكتىڭ مالىمەتى بويىنشا، 2018 جىلعى شىلدەدە تەڭگەنىڭ ايىرباستاۋ باعامى ٴبىر اقش دوللارى ٴۇشىن 341،62-347،06 تەڭگە اۋقىمىندا وزگەردى.

«2018 جىلعى شىلدەنىڭ سوڭىندا تەڭگەنىڭ اقش دوللارىنا قاتىستى بيرجالىق باعامى ٴبىر ايدا 1،6%-عا السىرەپ (جىل باسىنان باستاپ السىرەۋ 4،3%)، ٴبىر اقش دوللارى ٴۇشىن 346،7 تەڭگە بولدى. تەڭگە-دوللار ۆاليۋتالىق جۇبى بويىنشا وپەراسيالاردىڭ جالپى كولەمى ٴبىر ايدا 14،7 ملرد اقش دوللارى (ٴبىر ايدا 12،7%-عا تومەندەۋ)، ونىڭ ىشىندە قازاقستان قور بيرجاسىنداعى بيرجالىق ساۋدا-ساتتىقتاردىڭ كولەمى – 2،9 ملرد اقش دوللارى (4،8%-عا تومەندەۋ)، بيرجادان تىس ۆاليۋتا نارىعىنداعى وپەراسيالاردىڭ كولەمى – 11،9 ملرد اقش دوللارى (14،4%-عا تومەندەۋ) بولدى»، - دەلىنگەن رەتتەۋشىنىڭ حابارلاماسىندا.

ٴبىر ەنشىلەس بانكتىڭ ۆاليۋتالىق تاۋەكەلدەردەن مەنشىكتى كاپيتالدى حەدجيرلەۋمەن بايلانىستى وپەراسيالارىنىڭ كولەمى وتكەن ايمەن سالىستىرعاندا 5،3%-عا تومەندەپ، 8،5 ملرد اقش دوللارىن قۇرادى. بۇل رەتتە، ولاردىڭ بيرجادان تىس ساۋدا-ساتتىقتاردىڭ جالپى كولەمىنەن ۇلەسى 72،0%-دى قۇرادى (2018 جىلعى ماۋسىمدا 65،1%).

«اتالعان وپەراسيا ىشكى ۆاليۋتا نارىعىنداعى شەتەلدىك ۆاليۋتاعا سۇرانىس نەمەسە ۇسىنىس كولەمىنە اسەر ەتپەيدى»، - دە»ٴدى ماماندار.

سونىمەن قاتار، ۇلتتىق بانتەن حابارلاعانداي، 2018 جىلعى شىلدەدە حالىق نەتتو-نەگىزدە 237،5 ملرد. تەڭگە سوماعا بارابار قولما-قول شەتەل ۆاليۋتاسىن ساتىپ الدى.

شىعىستاردىڭ نەگىزگى كولەمى اقش دوللارىن – 68،9% نەمەسە 163،6 ملرد تەڭگە، رەسەي ٴرۋبلىن – 21،9% نەمەسە 51،9 ملرد تەڭگە، ەۋرو – 8،8% نەمەسە 20،8 ملرد تەڭگە ساتىپ الۋعا باعىتتالدى. الدىڭعى ايمەن سالىستىرعاندا اتالعان شىعىستار 49،1%-عا ۇلعايدى (اقش دوللارىن جانە ەۋرو ساتىپ الۋعا شىعىستار 2،0 ەسەگە جانە 1،0% -عا ارتتى، تيىسىنشە رەسەي ٴرۋبلىن ساتىپ الۋعا شىعىستار 10،1%-عا ازايدى).

«جاز ايلارىندا ايىرباستاۋ پۋنكتتەرىنىڭ اقش دوللارىن ساتۋ كولەمىنىڭ ٴوسۋى دەمالىس كەزەڭدەرىندە شىعىستاردى تولەۋ، شەتەلگە اقشا اۋدارىمدارىنا، ونىڭ ىشىندە ەڭبەك ميگرانتتارى اۋدارىمدارىنىڭ قاجەتتىلىگىنە بايلانىستى حالىقتىڭ قولما-قول شەتەل ۆاليۋتاسىنا سۇرانىسىنىڭ جوعارى بولۋىنا بايلانىستى ماۋسىمدىق فاكتورمەن تۇسىندىرىلەدى. ايىرباستاۋ پۋنكتتەرىنىڭ قولما-قول شەتەل ۆاليۋتاسىن نەتتو-ساتۋىنىڭ جالپى كولەمى جىل باسىنان بەرى وتكەن جىلعى 1،1 ترلن. تەڭگە دەڭگەيىندە قالىپتاستى»، - دەدى ۇلتتىق بانكتەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي