استانا: 
«استانا lrt» كومپانياسى كەي كولىك تۇرلەرىنە استاناعا تاڭعى جانە كەشكى مەزگىلدە كىرۋدى اقىلى قىلۋدى ۇسىندى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.
قالالىق اكىمدىكتە استانانىڭ كولىك جۇيەسىن جاڭعىرتۋ ماسەلەسىنە ارنالعان پرەسس-كونفەرەنسيادا استانا lrt باسشىسىنىڭ ورىنباسارى بەيبىت ەسجانوۆ، بۇل شارا قالا كوشەلەرىنە تۇسەتىن كولىك جۇكتەمەسىن تومەندەتەتىنىن ايتتى. ٴقازىر استانادا شامامەن 500 مىڭ كولىك بار، ونىڭ ٴ324-ى تىركەلگەن، ال قالاعا كىرۋشى كولىك سانى 80 مىڭنان استام. ال، قالعان كولىكتەر ايماقتاردا تىركەلگەن، ٴبىراق يەلەرى استانا قالاسىندا تۇرادى.
قالاعا كىرۋدىڭ اقىلى جۇيەسىن نەگىزگى جولدارعا قويۋ ۇسىنىلۋدا، ولار: قورعالجىن تاس جولى، قوسشى اۋىلىنان كىرەتىن جول، قاراعاندى، پاۆلودار كوكشەتاۋ باعىتىنان كەلەتىن جولدار.
«ال، جاي ۋاقىتتا كەز كەلگەن كولىك تۇرىنە قالاعا كىرۋ تەگىن بولادى. وسى باعىتتا جۇمىستار ٴجۇرىپ جاتىر. بۇدان بۇرىن ٴبىز ۇسىنىسىمىزدى قوعامدىق كەڭەسكە ەنگىزگەن بولاتىنبىز. ٴقازىر سول جەردە ايتىلعان ەسكەرتپەلەردى ەسكەرىپ جاتىرمىز»، - دەپ ٴتۇسىندىردى بەيبىت ەسجانوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1603 
0
6460
0