استانا بانكىنىڭ ليسەنزياسى توقتاتىلدى - قارجى|29 مامىر 2018، 15:12
كۋرسى ۆاليۋت وبنوۆليايۋتسيا
استانا:

استانا بانكىنىڭ ليسەنزياسى توقتاتىلدى

قازاقستان رەسپۋبليكاسى ۇلتتىق بانكى باسقارماسىنىڭ 2018 جىلعى 28 مامىرداعى № 89 قاۋلىسىمەن 2018 جىلعى 29 مامىردان باستاپ قوسا العاندا 2018 جىلعى 29 تامىزعا دەيىن «استانا بانكى» اق-تىڭ (بۇدان ٴارى – بانك) جەكە تۇلعالاردىڭ دەپوزيتتەرىن قابىلداۋعا، جەكە تۇلعالاردىڭ بانك شوتتارىن اشۋعا ليسەنزياسى توقتاتىلا تۇرادى، دەپ حابارلايدى baq.kz اقپارات اگەنتتىگى ۇلتتىق بانك ٴباسپاسوز قىزمەتىنە سىلتەمە جاساپ.

بۇل شەشىمدى ۇلتتىق بانك بانكتىڭ ٴتيىستى زاڭناما تالاپتارىنىڭ بۇزۋشىلىعىنا قاداعالاۋشىلىق رەتتەۋ شەڭبەرىندە جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 48-بابىنىڭ 1-تارماعى ۆ) تارماقشاسىندا كوزدەلگەن نەگىزدەر بويىنشا، تولەم جانە اۋدارىم وپەراسيالارى بويىنشا شارتتىق مىندەتتەمەلەردى ۇنەمى (قاتارىنان كۇنتىزبەلىك ون ەكى اي ىشىندە ٴۇش جانە ودان كوپ رەت) تيىسىنشە ورىنداماۋى ٴۇشىن قابىلدادى.

ليسەنزيا جاڭا دەپوزيتتەردى تارتۋعا جانە جەكە تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق.

2018 جىلعى 1 مامىرداعى جاعداي بويىنشا بانك جەكە تۇلعالارىنىڭ قابىلدانعان دەپوزيتتەرىنىڭ كولەمى 53،0 ملرد. تەڭگەنى قۇرايدى. بانكتىڭ جەكە تۇلعالاردىڭ دەپوزيتتىك پورتفەلىنىڭ ۇلەسى بانك جۇيەسى بويىنشا جەكە تۇلعالاردىڭ دەپوزيتتەرىنىڭ جيىنتىق كولەمىنىڭ 0،6%-ىن قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي