BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىلىقتار ٴبىر ايدا 70 ملن تەڭگەگە vip ٴنومىر ساتىپ العان

فوتو: Tengrinews

2018 جىلدىڭ قاڭتار ايىندا الماتىدا كولىككە ارنالعان 244 «ادەمى» مەملەكەتتىك نومىرلەر ساتىلعان. ولاردىڭ جالپى باعاسى 70 ميلليون تەڭگەنى قۇراعان. بۇل تۋرالى baq.kz اقپارات پورتالى قالالىق ىشكى ىستەر دەپارتامەنتىنىڭ ٴباسپاسوز قىزمەتىنە سۇيەنىپ حابارلايدى.

بىلتىر قاڭتار ايىندا 35 ميلليون تەڭگەگە تەك 91 ٴنومىر بەلگىلەرى ساتىلعان.

«بۇگىنگى تاڭدا الماتى بويىنشا جوعارى سۇرانىسقا يە مەملەكەتتىك تىركەلگەن ٴنومىر بەلگىلەرىن قالاداعى ارنايى حالىققا قىزمەت كورسەتۋ ورتالىعىندا پوليسيا قىزمەتكەرلەرى قابىلداۋدا. ودان كەيىن وتىنىشتەر جۇيەلەنىپ، اكىمشىلىك پوليسيا كوميتەتىنە جىبەرىلەدى»، - دەپ ٴتۇسىندىردى الماتى قالاسى ٴىىد اكىمشىلىك پوليسيا باسقارماسىنىڭ تىركەۋ جانە ساراپتاما ٴبولىمىنىڭ باستىعى، پوليسيا پودپولكوۆنيگى نۇرلان امانبەك.

سونىمەن قاتار، ول كولىك يەسى مەملەكەتتىك ٴنومىردىڭ ساندىق جانە ارىپتىك تاڭبالارىن تاڭداي الاتىنىن العا تارتتى.

جوعارى سۇرانىسقا يە نومىرلەر:

— 010، 020، 030، 040، 050، 060، 070، 077، 080، 090، 707 (باعاسى 57 اەك). وسى نومىرلەر بىردەي ارىپتىك تاڭبالارىمەن (باعاسى 114 اەك);

— 100، 111، 200، 222، 300، 333، 400، 444، 500، 555، 600، 666، 700، 800، 888، 900، 999 (باعاسى 137 اەك). وسى نومىرلەر بىردەي ارىپتىك تاڭبالارىمەن (باعاسى 194 اەك);

— 001، 002، 003، 004، 005، 006، 007، 008، 009، 777 (باعاسى 228 اەك). وسى نومىرلەر بىردەي ارىپتىك تاڭبالارىمەن (باعاسى 285 اەك).

بىردەي ارىپتىك تاڭبالى نومىرلەر (مىنا ساندى نومىرلەردى قوسپاعاندا: 001، 002، 003، 004، 005، 006، 007، 008، 009، 010، 020، 030، 040، 050، 060، 070، 077، 080، 090، 100، 111، 200، 222، 300، 333، 400، 444، 500، 555، 600، 666، 700، 707، 777، 800، 888، 900، 999) (باعاسى 57 اەك).

2018 جىلدىڭ ايلىق ەسەپتىك كورسەتكىشى (اەك) — 2405 تەڭگە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي