BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا قازاقستان قارجىگەرلەر كونگرەسىنىڭ viii وتىرىسى ٴوتىپ جاتىر

الماتى، baq.kz ٴتىلشىسى. اتالعان كونگرەسكە الەمنىڭ 20 ەلىنەن 300-دەن اسا قاتىسۋشى كەلدى، ولاردىڭ ىشىندە ورتالىق بانكتەردىڭ باسشىلارى، حالىقارالىق قارجى ۇيىمدارىنىڭ وكىلدەرى جانە قارجى نارىعىنىڭ كاسىبي قاتىسۋشىلارى بار.

جيىننىڭ اشىلۋ سالتاناتىندا قازاقستان رەسپۋبليكاسى پرەمەر-مينيسترىنىڭ ورىنباسارى ەربولات دوسايەۆ، قازاقستان ۇلتتىق بانكىنىڭ ٴتوراعاسى دانيار اقىشەۆ جانە قازاقستان قارجىگەرلەرى قاۋىمداستىعى كەڭەسىنىڭ ٴتوراعاسى ەلەنا باحمۋتوۆا ٴسوز سويلەدى.

«سوڭعى ەكى جىلدا ٴبىز دايەكتى تۇردە ينفلياسيانى تومەندەتۋدەمىز جانە ماقساتتى ٴدالىزدى ورىنداۋدامىز. ونىڭ ۇستىنە وسى جىلدان باستاپ قازاقستان ۇلتتىق بانكى ينفلياسيا بويىنشا ماقساتتىباعىتتى كەزەڭ-كەزەڭىمەن تومەندەتۋدى باستادى، بۇل سالىستىرمالى ەلدەردىڭ دامۋ دەڭگەيىنە دەيىن جەتكىزۋ ماقساتىندا جاسالۋدا. ەگەر 2017 جىلى ينفلياسيا ٴدالىزى 6-8% قۇراسا، بيىل ول 5-7% جەتتى، 2019 جىلى – 4-6% بولماق. ورتاشا مەرزىمدى تاپسىرما – 2020 جىلى ينفلياسيانى 4% دەيىن جانە ودان تومەن ەتۋ»، -دەيدى دانيار اقىشەۆ.

سونداي-اق بيىلعى ٴىس-شارا جاڭا فورماتتا وتپەك. قازىرگى زاماندا ورتالىق بانكتەردىڭ الدىندا تۇرعان سىن-قاتەرلەرگە ارنالعان تاقىرىپتار بويىنشا ٴتۇرلى سەسسيالار، سونداي-اق ۇلتتىق ۆاليۋتالاردى ترانسشەكارالىق ەسەپ ايىرىسۋلاردا پايدالانۋ، تاۋەكەلگە باعدارلانعان قاداعالاۋ، يپوتەكالىق فورۋم، قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا سەسسيالار وتەدى.

ۇلتتىق ۆاليۋتا تەڭگەنىڭ 25 جىلدىعىن مەرەكەلەۋگە بايلانىستى سەسسيالاردىڭ ٴبىرى قولما-قول اقشانى پايدالانۋ تاقىرىبىنا ارنالعان، ونىڭ بارىسىندا قولما-قول اقشا اينالىسىنىڭ جانە ونىڭ بولاشاعىنىڭ ماسەلەلەرىن تالقىلاۋ جوسپارلانۋدا.

سونداي-اق وسى جيىن اياسىندا قازاقستان بيرجالىق فورۋمى وتەدى، ونىڭ كۇن ٴتارتىبى «قور بيرجالارىنىڭ ەكونوميكانىڭ ورنىقتى دامۋىنداعى ٴرولى» دەپ اتالادى. قازاقستان بيرجا فورۋمى قور نارىعىنىڭ جانە ورتالىق ازيا ٴوڭىرىنىڭ ورتالىق پىكىرتالاس الاڭى بولماق، وندا ەكونوميكانى قور نارىعىنىڭ قۇرالدارى ارقىلى قارجىلاندىرۋ، بيرجا ينفراقۇرىلىمىن دامىتۋ جانە بيرجا قۇرالدارىن ىلگەرىلەتۋ ماسەلەلەرىن كوتەرۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي