الەمدىك نارىقتا التىنعا سۇرانىس 7% تومەندەدى - قارجى|06 مامىر 2018، 15:36
كۋرسى ۆاليۋت وبنوۆليايۋتسيا
استانا:

الەمدىك نارىقتا التىنعا سۇرانىس 7% تومەندەدى

2018 جىلدىڭ ٴى توقسانىندا حالىقارالىق نارىقتا قۇندى مەتالعا دەگەن سۇرانىس 7%، ياعني 973،5 تونناعا تومەندەدى، دەپ حابارلايدى baq.kz اقپارات اگەنتتىگى.

حالىقارالىق التىن بويىنشا كەڭەستىڭ بايانداماسىندا سۇرانىستىڭ تومەندەۋى التىن قۇيمالارعا ينۆەستيسيالاردىڭ ازايۋىمەن بايلانىستىرىلعان. سونداي-اق، بۇل باعالى مەتالدار زەرگەرلىك بۇيىمداردىڭ جاسالۋى 1%، ياعني 487،7 تونناعا ازايعان. ٴبىر ٴۇندىستاننىڭ وزىندە التىننان بۇيىمدار جاساۋ 12% قىسقارىپ وتىر. بۇل شىعىندى كوپكە دەيىن قىتاي مەملەكەتى جاۋىپ كەلگەن بولاتىن. سەبەبى، اتالعان مەملەكەت التىننان بۇيىم جاساۋدى 7% ارتتىرعان ەدى. مۇنىمەن قاتار، اقش-تا دا اتالعان مەتالل تۇرىنە دەگەن سۇرانىس ارتتى.

2018 جىلدىڭ العاشقى ٴۇش ايىندا مەملەكەتتەردەگى ورتالىق بانكتەر 116،5 توننا التىن ساتىپ الدى. بۇل وتكەن جىلداعى كورسەتكىشپەن سالىستىرعاندا 42% كوپ. باياندامادا التىندا كوپتەپ ساتىپ العان مەملەكەتتەر قاتارىندا قازاقستان، رەسەي جانە تۇركيا بار. بۇل مەملەكەتتەر سوڭعى بەس جىل ىشىندە حالىقارالىق قورداعى التىننىڭ 50%-ىن يەمدەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي